同你吟一吟

城城偷桃 周柏豪興奮

Ads by Google

上個禮拜四、五(九月二十五、二十六日),周柏豪處男紅館開騷,全身黐滿金箔從天而降,露兩點打鼓晒肌,不過點都唔及同兩個性感女 dancers攬埋一嚿、再全身任摸,包括「小柏豪」咁激。

 

火辣場面成為個唱賣點,尾場嘉賓郭富城有樣學樣,上台同周柏豪合唱《狂野之城》時,即席示範「天王偷桃」,隻手仲愈摸愈高,由下而上摸到去腹肌,全場觀眾嗌到拆天。
完騷後,記者問周柏豪城城落點準唔準確?當事人話能夠得到心目中超級王者偶像「偷桃」,簡直係榮幸,至於同女 dancers相比?周柏豪都係揀城城,事關咁大個仔都係第一次俾男人咁摸法。講到尾,最緊要係捧足兩晚場嘅女友 Stephanie,冇投訴啫!


城城由「小柏豪」做起點,慢慢摸上腹肌,繼而轉身再摸埋大髀,唔只周柏豪 high,全場觀眾一樣睇到 high晒。 

女 dancers晒完籮再同周柏豪互摸,一招五指偷桃成為個唱賣點。 


全身貼滿金箔打鼓,周柏豪一開場已經騷肌露點。 

尾場周柏豪抱「美心妹妹」楊鎧凝上台,再送上香吻,之後仲話:「等你大個我會娶你,承擔責任。」女友 Stephanie聽到唔知嬲唔嬲好呢? 


撰文:八珍

    全站熱搜

    tvb4life 發表在 痞客邦 留言(0) 人氣()