買完錶,兩個職員送笑到四萬咁口嘅杜汶澤出門口。 

同你吟一吟

杜汶澤錶癮起

Ads by Google

曾幾何時,杜汶澤做人格言係:冇隻勞唔係冇人睇,係人哋睇你唔到。

 

杜汶澤有過一口氣買十幾隻勞力士返屋企瘋狂紀錄,直至得罪吳君如劉華俞琤,打回原形冇錢再 fing,即刻食齋積口德,但好得一排,又病發再口出狂言得罪容祖兒甚至辣埋大陸演藝圈,自斷米路。
上個禮拜三(二十四日)晚,杜汶澤要去奧海城出席佢同 DaDa主演嘅《唐伯虎衝上雲宵》首映,但佢決定先去中環一轉,因為佢要去英皇鐘錶珠寶買錶。
英皇人,自己友買錶實有折,杜汶澤精打細算,仲有千里眼,發現《壹》仔,連錶都唔 check,買完即刻放入袋,再快手收埋張單入銀包。
九月二十八日係杜太田蕊妮生日,希望杜汶澤錶癮起,純粹為咗氹老婆!


同 DaDa出席首映禮前,杜汶澤爭取時間先去中環買錶,見到《壹》仔,快手收埋張單同隻錶。 


杜汶澤除咗幫田蕊妮搞生日會,老婆生日正日,兩公婆仲飛去外地度假過二人世界。

撰文:八珍

全站熱搜

tvb4life 發表在 痞客邦 留言(0) 人氣()