黑暗中見到幾可亂真的斷肢, Iris(左)和 Bella話嚇到三魂唔見咗七魄。 

今期流行

鬼屋嚇破膽  E Cup超蓮:驚到想爆粗!

Ads by Google

中國鬼節過咗,西洋萬聖節又殺到!一向唔怕鬼,亦無玩過鬼屋的 DaDa師妹 Bella,就拉埋同門 E Cup超蓮 Iris,到山頂新開的 Fright Dome鬼屋試新嘢;點知 Iris原來極細膽,入場前見到幾隻鬼先知領嘢,臨門一腳無法縮沙,唯有苦苦哀求:「唔該你鬼手下留情,如果唔係就要叫定十字車。」

嚇到踎地

E Cup超蓮 Iris應該是真心驚,鏡頭前一直愁眉苦臉,然後靜靜雞跟在旁的保母話︰「唔係又係電影主題的鬼屋嘛?係就死梗,幾年前在英國玩過,七個人我夾在中間都玩到腳軟。」
說時遲那時快,突然出現電鋸聲,然後有個蒙面人捧住電鋸衝上前揮舞,嚇到 Iris花容失色大聲呼叫兼踎低雙手掩耳,本來心情輕鬆的 Bella,亦被突如其來的電鋸嚇到不知所措,不斷問工作人員,「電鋸真係郁得?會唔會有生命危險㗎?」


驚嚇前入鬼屋前, Iris(右圖)和 Bella得戚介紹身上的搞鬼圖案,仲未識驚。 


屠房內有條死屍等劏。

遇鹹濕鬼

今次山頂鬼屋的搞手是美國班底,主要分德州電鋸殺人狂,以及殺人小丑兩個電影場景,但勢估唔到 Bella從來未入過鬼屋,「我都唔怕鬼,有咩好玩?我最近拍《天師鬥殭屍》都扮過鬼嚇人添,我甚至試過俾鬼壓,感覺有條脷舔我全身。」除遇過鹹濕鬼,幾年前在朋友家攻打四方城時更見過紮辮的馬姐,「我一疊好牌就係差不多係清一色,一摸就係四萬,心諗唔會係咁靚,抬起頭就見牆身有隻手,我唔敢再望,轉頭就見埋個身同一條辮,原來係個馬姐!我唔理佢,最終打完時就大嗌『打完啦』,希望佢走開。」
Bella話唔覺鬼會傷人,反而見到恐怖血腥核突爛面先會驚,「覺得似危害到生命。」自認膽小信有鬼的 Iris,就又驚又要睇恐怖片,「咁『又要威又要戴頭盔』嘛!最驚係睇《驅魔人》,因為好貼近真實,連教廷都話有驅魔人呢個職位,到依家合埋眼都記得個女仔個樣。」


電鋸狂人 

入鬼屋前 Iris見過電鋸先生,再度重遇都不是太驚,二人仲擺甫士影相。 

來路鬼今年萬聖節除了羅蘭姐,終於有多個選擇,來自拉斯維加斯、被譽為全美最驚嚇鬼屋之一的 Fright Dome,首次凶入亞洲,你夠唔夠膽玩呀!



午夜屠夫點知去到另一場景,見到血淋淋的內臟,加上突然跳出來的屠夫,嚇到她們尖叫。 

變態小丑Iris驚到幾乎全程合上眼, Bella話:「我猛叫佢打開眼,自己就大聲叫,等啲鬼唔好嚇我。」 

撰文:鄭子瑩
攝影:黃志明、葉志明 
化妝、髮型: Louisa Wong

全站熱搜

tvb4life 發表在 痞客邦 留言(0) 人氣()