激似李嘉欣劉心悠本來已鼻樑高高,近期她的鼻樑忽然比以前更高,尤其是雙眼之間的位置,更是明顯,加上面和下巴變尖,激似李嘉欣。 

探熱針

變靚啲 劉心悠 李嘉欣撞樣

Ads by Google

首個被高登巴打專稱為 BB的劉心悠,天生高鼻下巴 V,但最近靚樣出現改良版,高鼻忽現間尺,面形和下巴亦突然更尖削,搞到同李嘉欣撞樣。
女星求靚,永無止境!

 

 

化妝唔同咗

在不少人心目中,劉心悠是圈中靚女,連家有嚴妻的男神張智霖也曾破禁大讚:「太太(袁詠儀)好早之前已經話心悠係一級美女,靚女唔可以強求,最重要係天然!而家好多人個 look都好一樣,個個好似倒模出嚟。」
被讚一級靚,劉心悠說:「童年時冇人讚過我靚。如果要我實實在在形容自己,我只會話自己上鏡。冇諗過整容,如果真係整,我想整大對腳,因為我對腳太細,成日買唔到鞋!」
已經是公認靚女的劉心悠,近期鼻樑卻明顯變高,臉頰亦變得尖削,被指激似李嘉欣和張栢芝。
本刊向劉心悠出示新、舊照片,求證變靚之謎。

壹:壹週刊 劉:劉心悠
壹:最近你個樣唔同咗,有網友話你一時似李嘉欣,一時似張栢芝喎。
劉:兩張相化妝技巧差好遠,你講我個鼻,咁睇又真係有少少唔同。
壹:真係因為化妝技巧?
劉:因為角度啫……我都唔知點解喎。
劉心悠堅稱是化妝問題,但記者近距離觀察,她的鼻樑確比以前高,尤其是雙眼之間位置,更是明顯。


之前自然劉心悠本身是靚女,但她之前的鼻樑沒那麼高。 

翻版栢芝近期劉心悠不但變得似李嘉欣,同時被指似栢芝。 

分階段改良

女星執樣,慢慢變得,即劇變,又得!好似大台胡定欣,高鼻經三個階段漸變,將本來已經夠高的鼻樑,變得又尖又直。
幕前靠樣,大條道理變靚啲;難怪衞詩雅亦加入進化行列,落料深化雙眼皮,同時包面變尖面,不甘後人!


前:衞詩雅過去包包面,雙眼浮腫。 

後:近期衞詩雅將包面變尖面,雙眼皮又深,非常明顯。 

前:胡定欣本身的鼻翼較闊,鼻子不算秀氣,而且 pizza面,面形有點起角。 

後:近期鼻子愈來愈尖,小巧筆直,面又尖又細。 

撰文、攝影:娛樂組

    全站熱搜

    tvb4life 發表在 痞客邦 留言(0) 人氣()