價值百五萬的波子被撞凹了一大忽,但蘇永康仍然保持笑容, EQ極高。 

探熱針

代客泊車撞凹波子 蘇永康: Maserati鋼水好啲!

Ads by Google

正忙於準備十二月再婚的蘇永康,上星期六(九月二十七日)還帶埋未來老婆馮翠珊( Anita)及康媽到中環 Escada揀晚裝,點知樂極生悲,蘇永康的「二廠」、價值百五萬的波子坐駕,被酒店代客泊車職員撞凹,難得準新郎仲可以笑笑口同酒店職員交涉,好事近,果然唔同啲。

警察到場

上星期六(九月二十七日)黃昏六時,蘇永康同未婚妻 Anita加埋準奶奶去中環 shopping,為十二月二日舉行的婚禮到 Escada揀晚裝,其間,蘇永康將價值百五萬的 Porsche Panamera S,交託置地文華東方酒店代客泊車職員看管;未幾,有兩個警察接報到場,原來代泊職員將蘇永康的坐駕,撞向停泊在前面的瑪莎拉蒂 Granturismo S,結果,蘇永康的波子右邊車頭燈位置被撞凹,瑪莎拉蒂的車尾亦撞花,酒店職員於是報警處理。
未知心愛「二廠」出咗事,蘇永康繼續開心 shopping,見到鏡頭笑容滿面,記者通知他其坐駕被撞凹時,準新郎仍表現淡定。「可能平時揸車唔小心,刮花啫!(新整㗎,仲有差人處理緊。)等我返去睇吓先。」蘇康說。


發現架車被撞凹,蘇永康嚇到要用手拍心口。蘇永康笑笑口與酒店職員交涉。 


摸住架車被撞凹位置,蘇永康顯得十分心痛。

無奈苦笑

返到事發現場,蘇永康離遠見到自己架波子右邊車頭「毀容」,一邊拍住心口,一邊苦笑望住酒店職員:「嗚嗚……啊你話點好呢?即係你話點好呢吓?」酒店職員上前向他解釋事發經過,蘇永康一味「啊」、「哦」,又問職員:「啊,咁個責任係邊個負呢你估?你認為個責任係咪你哋負呢?」
之後蘇永康向職員索取酒店負責人聯絡方法,準備向有關方面索償。
「因為佢哋(酒店職員)撞,佢俾咗個報案 number我,我要去 check番先,我睇佢哋會賠啩,咁大間酒店……」蘇永康說。
無妄之災,臨走前,蘇永康一臉無奈再摸吓「二廠」,又行埋去探望被波及的瑪莎拉蒂,見對方只是輕微撞花,蘇永康更加無奈:「 Maserati鋼水好過波子。」


蘇永康的波子撞到前面的瑪莎拉蒂,對方的車尾只刮花了少許。 

事發時,蘇永康不在現場,酒店職員報警處理。 

當日蘇永康同未婚妻及阿媽到中環買衫。

未必賠

根據保險公司條款指引,車主將坐駕交給代客泊車,車主需要承擔風險,原則上當車匙交給泊車員時,已代表授權對方駕駛,一旦發生意外,車主只能向自己的汽車保險公司申請索償。不過車主若能證明泊車員駕駛失當,則可以循民事訴訟要求賠償。

代客出事

明星配名車,但代客泊車技術參差,撞花時有發生,大鑊到失車,都有!

 

許志安
98年,安仔到灣仔新世界酒店為 Sammi賀壽,將過百萬的寶馬交給代泊,離開時才發現坐駕被偷。

 

關秀媚
關秀媚自爆到中環某餐廳食飯時,交由餐廳侍應代為泊車,飯後到泊車處取車時,卻發現人車都失踪,原來對方擅自揸走其坐駕去遊車河。

 

胡敏珊
02年,胡敏珊與友人到跑馬地一間西餐廳晚飯,將「波子」交給代客泊車,但對方不小心將車撞向另一架 Audi,左邊車頭撞凹兼漏水。


撰文、攝影:娛樂組

全站熱搜

tvb4life 發表在 痞客邦 留言(0) 人氣()