在海中等 roll機,洪永城勾住水泡同時,再一手攬實陳凱琳,照顧周到。 

探熱針

一支茶兩份歎 洪永城口水尾陳凱琳照落肚

Ads by Google

大台花旦所剩無幾,被民選成為港姐冠軍的陳凱琳,順理成章被培訓做接班人。未卸任已經有劇拍,自認「處女」的 Grace好樣性格又鬼,令大台不少餓狼流晒口水,其中因為黃浩然急病,執二攤拍《張保仔》的洪永城,更加近水樓台,感情一日千里。
上週二(九月二十三日),二人到西貢拍跳海場面,落水等 roll機,洪永城呵護備至攬實 Grace,拍完上水,更加一支茶兩份飲,好唔簡單。

當眾換衫

選美入行至今只有一年多的時間,陳凱琳已經接拍第三部電視劇,新作《張保仔》更擔正做女一。大台拍劇出名日接夜, Grace同余詠珊愛將洪永城卻獲厚待,全日只拍跳海一場戲。
下午三時半通告,但過了半個小時有多,演員依然未到,在場呆等的工作人員發晒牢騷:「幾點呀?天黑啦!係咪唔使拍呀?啲演員喺邊度?」
等到四時半,已換好戲服的陳凱琳終於施施然到場,有工作人員提醒她戲服不連戲,遲晒到的她唔敢再火上加油,眾目睽睽下換衫慳時間。
平日「是但」見稱的大台,當日罕有為受捧的 Grace準備替身拍跳海戲,但熟水性的 Grace堅持親自上陣。「喺岸邊,唔係好遠,想試吓!」


《張保仔》只開拍了半個月,洪永城同陳凱琳已經親密到兩人共飲一支茶,間接「濕吻」。 

愛分享

校啱時間,黐了「二撇雞」扮張保仔的洪永城終於蒲頭,負責指導的工作人員捉住二人講解拍攝要求,洪永城還以「前輩」身份,教 Grace如何走位。
Grace被安排先落水,企在碼頭邊的洪永城拎住手提電話,主動為女方拍下跳水一刻。接着二人一齊落水,由於洪永城的古裝戲服較吸水易沉,工作人員特別準備好一個水泡給他,但當事人決定有水泡同享,完成拍攝後,更呵住對方游上岸。
上水後,二人第一時間行去睇 playback。工作人員向兩位「落湯雞」遞上毛巾,又給洪永城送上支裝綠茶,飲完一啖,洪永城諗都唔諗遞給 Grace,女方亦毫不猶豫照啜!可以飲對方口水尾,關係仲差得去邊!


只拍過兩套劇的陳凱琳,拍第三套劇已經坐正做女一,戲中周旋於陳展鵬及洪永城之間。 

入行短短年多的陳凱琳,深明娛樂圈的生存之道,不論記者、台前抑或幕後都交朋結友,打好關係。 

陳凱琳親身上陣拍跳海場面,不用埋位的洪永城自動波為對方拍下整個過程。


遲到蒲頭的陳凱琳,發現上身的戲服唔連戲,為免阻礙拍攝進度,當眾換衫。 

處女勿近

被點名力捧的陳凱琳,大台怕緋聞影響「處女」招牌,嚴禁飛來蜢埋身,尤其係奀星,未見光都死。

 

溫家偉
與港男大隻仔溫家偉合作主持飲食節目《搵食飯團》,因男方不時對 Grace大獻殷勤,甚至在鏡頭前餵食,出晒面,大台手起刀落,將大隻仔調走。

 

周子揚
西貢地王太子爺周子揚與何傲兒極速分手後,以在新劇《四個女仔三個 Bar》中合作的陳凱琳為追求目標,經常借故親近,收到風有餓狼想食處女肉,大台馬上招呼周子揚「照肺」。


撰文、攝影:娛樂組

全站熱搜

tvb4life 發表在 痞客邦 留言(0) 人氣()