金吉拉貓外形高貴特別,因此阿 Vi獨愛這個品種。 

Petbook

我愛 金吉拉貓

Ads by Google

金吉拉貓源於英國,在 19世紀時由波斯貓繁衍,再加以改良而演變出來的品種。牠們大多身披銀白長毛,加上面部輪廓突出,深受養貓愛好者歡迎。阿 Vi自從領養了第一隻金吉拉貓阿榮後,從此便對這個品種着了迷,現在她總共飼養了 3隻,並把牠們當成親生仔女般看待。

拖拖

品種:金吉拉貓
性別:女
年齡: 4歲半

阿榮

品種:金吉拉貓
性別:男
年齡: 5歲半

 

貓貓的性格較謹慎,要跟陌生人相處一段時間才會放下戒心,阿 Vi的 3隻金吉拉貓也不例外,訪問當日,記者花大半天討好牠們,才令阿榮走出房門,「阿榮算係最 friendly嗰隻,佢肯出嚟唔出奇,如果係 Taloy的話,你等到聽朝都掂佢唔到,佢好怕陌生人。」
4年多前,阿 Vi從友人手上,領養第一隻金吉拉貓阿榮回家,「之前我都有領養過蘇格蘭摺耳貓,但未聽過金吉拉貓呢個品種。當時朋友屋企養咗幾隻,就送 1隻畀我,第一次見到阿榮個樣,覺得佢好高貴。」


金吉拉貓的眼和鼻都有黑線包圍着,看起來就像畫了眼線的貓。 

所有金吉拉貓的肉球都是黑色的。 

空氣好

Vi回家時,阿榮已接近 1歲,但身體明顯較瘦弱,「佢皮膚天生有少少問題,身體某啲部位會痕同甩毛,不時要帶佢去獸醫度食藥打針先控制到病情。不過最近我由九龍搬咗去新界,呢區空氣好啲,佢嘅病已經慢慢好轉,近呢 1年都唔使再睇醫生。」
拖拖則是阿 Vi唯一一隻花錢買的寵物,「自從養咗阿榮後,我迷上咗養金吉拉貓,我仲開始不停上網睇金吉拉貓嘅資料。養阿榮 3個月後,無意中俾我睇到網上有人賣金吉拉貓,其中一隻個樣好正,夠晒寸,我即時聯絡貓主,第二朝就去拎貓,約花咗$12,000,我幫佢改名做拖拖。」


拖拖平時喜歡躺在阿 Vi的化妝櫃;阿榮則喜歡躲在櫃底。 

無論工作有多忙,阿 Vi每天都會為愛貓梳毛。 

Taloy


Taloy是拖拖的囡囡,牠性格膽小怕陌生人,訪問時只敢站在床邊遠觀記者。 

品種:金吉拉貓
性別:女
年齡: 3歲


貓相睇

直到 3年前,阿 Vi覺得拖拖的樣子夠特別,想將牠的基因流傳下去,於是幫牠安排網上徵婚,「 1星期內,我收到近 20個人聯絡我,我揀咗其中 4隻貓貓同拖拖相睇,見其中一隻金吉拉貓性格隨和,又同拖拖夾得嚟,最後我決定放拖拖喺佢主人度 2星期,畀佢哋交配。」
結果拖拖順利懷孕,生了 3隻貓寶寶,「我只係要咗 Taloy,個樣真係似足拖拖咁靚。其餘 2隻,一隻留咗喺爸爸身邊;另一隻我送咗畀朋友。我同老公都唔諗住生 BB,我已經當呢班貓貓係親生仔女㗎啦,不過為咗唔再添加新成員,早 2年前已經幫佢哋絕晒育。」


撰文:何倬然
攝影:傅新發

tvb4life 發表在 痞客邦 留言(0) 人氣()