焗蛋盅(洋蔥薯蓉流心蛋)焗豆、沙律、多士(包熱飲)$58Sean結合自己和女朋友愛吃的薯蓉和洋葱,創出簡單而甜蜜的招牌菜。 

創業通

All Day Breakfast休閒花園

Ads by Google

All day breakfast源自英國,顧名思義,即全日供應的早餐,一碟包括香腸、炒蛋、焗豆及沙律菜等,滿足多個要求,保證食得飽足。 All day breakfast成為近年不少本地餐廳供應的菜式,愛烹飪的 Sean亦發現這股潮流,他認為早餐利潤高,亦看中元朗市中心近年有不少樓盤落成,多了一批中產客。於兩個月前,他在元朗雞地開餐廳「 Leisure」主打 all day breakfast,以休閒裝潢作招徠,開業兩個月已見盈利,實現做老闆的夢想。

 

「 Leisure」店面裝潢以木材和自然色系為主,走簡約風格,與名稱十分配合。採訪當日,店內剛好有位客人以咖啡伴漫畫,亦有 3位年輕女士邊吃邊閒談,度過一個微涼的下午。老闆 Sean說:「改呢個名想休閒啲,我刻意唔擺時鐘,希望客人嚟食嘢會放鬆心情。試個有個客嚟食早餐,差啲返工遲到添!」
這裏主打 all day breakfast,餐牌上有 6款組合,其中包含炒蛋、煙肉、香腸及多士等,還有一款是由 Sean自創的焗蛋盅,均是即叫即煮,售價由$48至$78不等。
今年 26歲的 Sean,身為家中大哥,十多歲便出入廚房,為家人打理 3餐,亦因此對煮食產生濃厚興趣,「媽媽開五金鋪,我自小負責照顧細佬妹。雖然媽媽一個女人打理鋪頭都幾辛勞,但見佢同街坊鄰里關係好好,生活得好開心!自小就受佢影響,好想擁有屬於自己嘅鋪頭,經營小店去維生嘅感覺都幾好吖。」


出餐全由 Sean一人負責,由打蛋至沖咖啡都親自下廚。 

店內大約有 6個座位,木製桌椅給人溫暖的感覺。 

熟悉食材

07年 top up degree畢業後, Sean當過 6年食材公司銷售員,熟悉各種意大利食品和咖啡牌子,連咖啡拉花也從工作中偷師得來,有助他當個稱職老闆,「我清楚點樣入貨,又知啲食材嘅味道點樣,加上我同好多食肆老闆都好熟,同佢哋傾開,覺得食肆有得做。」
開食肆要考慮主打菜式, Sean見近年坊間大吹 all day breakfast風,故在這方面着手。他坦言西式食物中,以 all day breakfast成本最低,賺到最多錢,「一般餐類嘅食材會佔成本 3成,但早餐類只佔約兩成,利潤高好多。加上 all day breakfast以雞蛋為主,配香腸、火腿及焗豆等唔同元素,我唔係做開廚,煮呢啲食物會控制得好啲。」
Sean亦開始構思招牌菜式,「我參考唔同嘅食譜,用洋蔥同薯蓉嚟試整,就自創咗焗蛋盅;開業前搵啲朋友嚟試菜,參考佢哋嘅意見,喺味道上作出調整。」


黑松露炒蛋、香草腸、煙肉、焗豆、沙律、薯蓉、多士(包熱飲)$78 

煙三文魚配忌廉白醬蝴蝶粉(包熱飲)$46除 all day breakfast外,這裏提供 4款午餐,均可選配螺絲粉、扁意粉、蝴蝶粉。 

打中產客

家在屯門,故 Sean對新界西北的生活情況較為熟悉,他見元朗西鐵站附近起了不少樓盤,多了一批中產客;而元朗雞地一帶,只有 2、 3間餐廳提供 all day breakfast,並沒有主打 all day breakfast的餐廳,故決定在元朗試業,「𠵱家呢個鋪係親戚,佢可以平租畀我,由原本$20,000減到$12,000,又唔使畀按金,減輕咗唔少創業成本。」
為了慳錢, Sean只找裝修公司出牌及負責部分裝修,如拆閣樓及檢查消防系統等,其餘則由他負責,「我返國內買雪櫃等器材,售價只係香港嘅三分一;牆身及小花園嘅地面都係我油番。」
開業頭兩個星期, Sean印了傳單,請朋友幫忙到西鐵站派發,但未見成效,「之後我試吓將傳單寄到鄰近嘅住宅,立即喺 1星期內增加 3成客人。」此外, Sean用時下年輕人最愛用的宣傳方法,不時將食物照片放上 facebook及 instagram,「食物相影靚啲,可以吸引到年輕人嚟食。亦有傳媒嚟報導過焗蛋盅,之後嗰兩個星期好多人嚟試。」


店內牆上掛着多張電影海報,增添藝術氣息。 

門口位置有水松板供客人貼上祝福說話。 

架上書籍可讓食客免費取閱,種類很多,包括繪本及推理小說。

要請兼職

生意漸多, Sean本以 1人形式運作,未能兼顧招呼客人、落單及煮食等大小事項,「最初我未熟習個出餐流程,有時太多客,試過成 20分鐘先出到餐,後嚟喺勞工處登廣告請咗個兼職員工幫手。」現在 Sean已能於 5分鐘內把全餐遞到食客前。
每天開鋪前, Sean都會到街市選購蔬菜及凍肉等,其餘食材則向批發商取貨,「開業頭兩個星期,仲未識預計份量,日日都淨咗好多意粉,收鋪後就要掉,好浪費;又試過有次批發商遲咗送雞蛋嚟,我每個餐都有蛋,搞到出唔到餐,好在有位熟客太太幫我去超市買雞蛋,先應付到。」


每天晚上 6點收鋪, Sean便進行收拾工作,「其實都辛苦㗎!不過,做老闆就係咁㗎啦!」 

Sean說營運一間食肆,常常要計數,「計吓用幾多錢入貨,預留流動資金,好多嘢都要兼顧。」 

水災打擊

早前打風下大雨,令 Sean面對水災打擊,「餐廳後面個小花園開咗半個月,啱啱開時即遇到暴雨,通去花園個門口好似水簾洞咁不斷漏水,逼於無奈要拉半閘清理雨水,等兩個鐘先恢復營業。」之後再遇上颱風「海鷗」,當日只能關門暫停營業。
Sean表示客人以附近的住客最多,其餘為學生及上班族。 Sean捱過苦頭,喜見首月已收支平衡,第二個月更錄得盈利。「我哋開星期一至六嘅朝 8晚 6,呢度有個小花園,夜晚可以提供包場服務,𠵱家都同啲客傾緊,包場收費由$2,000起。」 26歲的 Sean笑言人生有兩大夢想,其一希望 30歲前退休,另外一項已經踏出第一步,「喺發展穩定後,都希望開分店。」


露天小花園設有 10個雅座, Sean表示:「花園開放後,都有唔少狗友專登嚟幫襯,可以畀狗狗喺小花園度玩。」 

第一次嚟食嘢,覺得環境幾舒服,夠寧靜,好啱幾個朋友嚟傾下偈。 

開業成本

 


撰文:何瑋盈
攝影:羅巧怡

tvb4life 發表在 痞客邦 留言(0) 人氣()