採訪當日,記者來到田家炳中學,靖誼正與黃教練一同指導學員進行彈網練習。每次他們於空中完成轉體或空翻等動作後,都流露一臉滿足的表情,讓記者都欲欲一試!分腿入門動作 

Jobs Live

跳到 high!

Ads by Google

早前興起彈床熱,大眾紛紛到彈床樂園試跳一番!其實跳彈床乃運動項目之一,跳彈床亦有一定危險性,在欠缺專業指導下,不少玩家都因而弄傷背脊、腰及膝,嚴重的更會骨折。今年 23年歲的譚靖誼( Joyo Tam),於 7年前加入彈網隊,接受正式的彈網訓練,更於 08年奪得全港中學生彈網比賽個人甲組冠軍,現為兼職彈網教練。想「試試彈彈」又怎可以是是但但?

 

跳彈網運動於 00年正式被納入奧運項目之一,並分男子及女子賽事,細分為單人、雙人及團體賽項目。 07年,靖誼初嘗跳彈床的滋味,「嗰年嘅學校旅行係去大棠渡假村,我見其他活動有好多人排隊,唯獨跳彈床完全唔使排,於是就試吓!」當時黃教練是彈床活動的導師,因很多同學都不敢嘗試,靖誼卻敢走上彈床,故黃教練特別用心教她,更邀請她加入彈網隊。
靖誼自言沒有運動員的身材,也沒有體操底子,但也迷上這項運動,由以前每星期一次的興趣班,漸漸變為每星期 2至 3小時的特訓,「雖然技術上學得快,但動作未做得美觀,好想認真去做好呢件事。加上我唔窈窕,起步又慢,要付出更多努力及時間。」


抱膝 入門動作 

摺體 入門動作 

扒彈 中難度動作靖誼表示有試過艱難的時刻,「對初學者嚟講,『扒彈』及『背彈』等動作會比較難,因為重心分別要放晒喺前面同後面,好難克服心理關口。」

前空翻中難度動作 

四分之三前空翻 高難度動作 

扭親尾龍骨

靖誼見到有不少學員受傷的例子,亦產生過放棄的念頭,「有啲學員落地唔啱或用錯方法,手肘條骨插咗出嚟!自己都試過扭親尾龍骨,但唔跌過印象就唔深刻。」但靖誼有一顆不服輸的心,讓她更認真練習。
短短兩年間,靖誼參加了不同的賽事,「每年有 3個大賽,分別係學界、分齡及公開賽。一 set有 10個動作,每個動作評判會以演出及難度嚟評分。 07年尾,我第一次參加比賽,動作未學晒都去試,當儲經驗,真係好緊張!」
08年,靖誼奪得全港中學生彈網比賽個人甲組冠軍,同年亦考取彈網教練和彈網裁判資格,「作為彈網運動員,我都算高齡啦!希望可以繼續喺香港推廣彈床運動,𠵱家我會喺彈網隊及學校教班。」


靖誼不時會到彈網隊教班,學員由 2至 50歲不等,「𠵱家啲小朋友好易放棄,但我會以自己嘅例子鼓勵佢哋,連我天生沒有運動員的優勢都做到,佢哋都一樣做到!」 

靖誼於 08年奪得全港中學生彈網比賽個人甲組冠軍,妹妹亦有到場支持,「拎到冠軍係一個里程碑,證明到畀其他人睇,自己可以努力完成目標!」 

 


牛丸學員河豚學員 

玩咗彈網 4年,喺彈網上跳得比平時高,及做到每一個動作後都好有成功感。希望日後可以做教練,畀多啲人接觸跳彈網運動!

 


黃正廷教練黃教練(左)乃香港彈網代表隊前運動員,於每次練習後,都會與學員討論其優點及弱點,並討論加以改進的方法。 

靖誼幾有天份,當日學咗兩個幾鐘已經識做簡單嘅動作,好似抱膝、坐彈等。之後,佢好勤力,訓練好認真!見到佢拎到冠軍,自己都好開心!

學做教練

現時彈網教練的時薪為$100至$350不等,年滿 18歲及有一定經驗者可留意中國香港體操會開辦的教練班及裁判班,通過實習期後便可成為正式彈網教練。
查詢: http://www.gahk.org.hk 


撰文:霍芷晴
攝影:葉偉豪
部分圖片由被訪者提供

創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()