採訪當日,滿屋歡笑聲,可見 Cony(右)和 Alison感情甚好,非常合拍。Cony  22歲 香港浸會大學公關及廣告系 Yr. 3

U撈

90後蛋糕女孩

Ads by Google

相機先吃已成為現時年輕人的指定動作,每次用餐前,必會把食物照拍下,放上社交網站與朋友分享。今年同是 22歲的 Cony及 Alison,自小愛造甜品,她們報班學唧 cream及造糖皮裝飾,製作出不同造型的蛋糕,並拍照放上 instagram,錄得過萬人訂閱。她們認為有商機,開始接單,為客人度身訂造各種蛋糕,連演員魯芬都讚好,現時月賺$20,000,成績不俗!

 


Cony(右)和 Alison坦言不時都會有失敗作品,「整蛋糕要練得多先會做得好,有時寫字寫斜咗又或者啲花紋亂咗,就用糖珠遮住!」 

採訪當日, Cony和 Alison正在家中製作 cup cake及蛋糕,造型細緻,加上滿室牛油香味,令記者猶如走進了糖果屋, Cony說:「𠵱家幫個蛋糕整緊玫瑰花紋,仲差少少就整好!」
2人乃中學同學, Alison今年剛畢業於香港大學文學院, Cony則於下年畢業。她們自小愛製作甜品, Cony說:「試過整曲奇、心太軟、 brownie及蝴蝶酥等,多數送禮用,朋友收到會好開心!」

學糖皮裝飾

去年, Alison報讀了蛋糕裝飾班,主要教授用 cream及糖皮做裝飾。 Cony看到 Alison於 facebook上分享的照片後,亦報讀該班,「課程有 4個範疇,分別教用 cream唧花紋;花紋進階,好似教唧玫瑰、菊花、蘭花等造型;用糖皮整花;同埋用糖皮花做一啲組合飾物。比起以前整嘅甜品有趣好多,發揮多啲創意!」
她們常常上載不同造型的蛋糕照,如 cookie monster、綿羊、船及荷花等,並於上年 12月於 instagram成立 cakeblogx,專頁開了約 3個月,訂閱人數已突破 1萬。 Alison表示:「最初未諗住接單,只係想有一個平台去交流心得及 share自己嘅作品,點知好多朋友都問點整同可唔可以幫佢哋整。試過教朋友整,但發覺花嘅心神比自己整仲多!於是就產生創業念頭,寧願接單搵錢。」


Stella 客人我喺 instagram搵到 cakeblogx,我訂咗一個 woodstock造型嘅蛋糕送畀朋友,幾鬆軟亦唔會太甜,店主都好好人,應我要求而唔放牛油,健康啲! 

魯芬:個蛋糕好靚,同埋幾好食,真係好有心機!今年 4月,在朋友介紹下, Cony負責製作魯芬生日會的生日蛋糕。 

周身曲奇味

客人可向她們訂製不同造型的蛋糕,最少 2.5磅,售價由$350起; cup cake則最少 4個,售價由$130起。 Cony說:「我哋主要接生日會、百日宴及婚禮等工作。有次要為一個 BB百日宴整 600塊曲奇,每一塊曲奇上面都要寫字,我哋通咗兩晚頂先整得晒!仲搞到全身同成屋都係曲奇味,就算沖咗涼都仲係聞到個身有味,真係好恐怖!」
雖有學業及工作在身,但她們仍會盡力接單,每月平均有 35至 40張單,月賺約$20,000。「每星期平均整 4至 5個蛋糕,放學返屋企就整,難得有人欣賞,瞓少啲都唔緊要!情人節、聖誕節會比平時多 1倍生意!除蛋糕外,我哋都會整 macaroon同朱古力。」 Cony表示,將來會嘗試製作不同款式的蛋糕,亦希望生意可以愈做愈好,畢業後全職發展蛋糕生意!


幻彩玫瑰造型 cup cake 

Cookie Monster造型 cup cake 

綿羊造型 cup cake 

糖皮花兩層蛋糕,因最花工夫,需 1日時間完成。每個最少訂 10磅,$3,000起。 

 

cup cake最少訂 4個,$130起。


撰文:霍芷晴
攝影:傅新發
部分相片由被訪者提供

tvb4life 發表在 痞客邦 留言(0) 人氣()