Webber

不要做港豬! Joeie x別別豬

Ads by Google

圖片的地位在這個年頭已經越來越重要,然而,擔當得起這個重任,圖片的內容便不容忽視,因為資訊之快是很直接地影響看者,一傳十,十傳百,分分鐘也會影響到全世界!業餘插畫師 Joeie透過她所設計的卡通人物——別別豬,畫出不只是屬於香港人的生活小趣味,惹來共鳴,她亦同時希望透過別別豬,笑着提醒全香港 7百萬人,不要做一隻「有乜都食住先、袋住先」的港豬!

Joeie Webber's Profile

facebook Page:別別豬.Bi Bi PIG( Likes: 149K)
作品:《香港人的快樂時代別別豬》

Q1:點解叫做「別別豬」?


「別別豬」嘅生活小趣味,唔知你又中咗幾樣呢? 

其實係一個好隨機嘅意念,本身諗住係叫 BB豬,但我嘅朋友就聽錯咗以為叫「別別豬」。咁我覺得呢個名又幾得意,同埋又可以取其「特別」個「別」嘅意思,所以就決定叫「別別豬」。

Q2:咁多動物唔用,點解會用「豬」?


「香港人的不快樂」你地認同嗎? 

其實一切都係好隨意,因為我大學係讀「文化研究」,上堂嗰陣老師講緊「填鴨式教育」,話我哋嘅知識就好似塞錢落個豬仔錢罌入面咁,咁啱我寫 notes就畫咗一隻豬仔,又覺得幾得意,咁就繼續沿用佢喇。

Q3:你嘅作品入面有好多生活小趣味都好多人 like,其實靈感係源自邊度?

一來係取材自己身邊嘅事物,二來都係身邊嘅朋友同家人都會俾意見我。初頭畫嘅時候本來係一圖一畫,但畫畫下覺得好多嘢想講,就變成一圖有 9格,而特別有一幅圖係彈起咗嘅,就係上年 12月有一幅講「香港人的不快樂」嘅畫,我諗都係因為大家都好有共鳴,所以個 page先會得到咁多人鍾意。

Q4:點解你會畫一啲政治嘅題材?


Joeie為了今次《 FACE》訪問特意畫咗一幅「別別豬看普選」,大家又點睇? 

其實我哋嘅香港真係面對緊一個好艱難嘅時期,因為政府唔聽市民嘅訴求,而且一意孤行去施行政策,所以我哋都希望通過唔同嘅渠道同方式去表達意見。例如我自己就希望用我嘅圖畫,一個簡單嘅方式去帶出自己嘅感受。


撰文:陳可兒
攝影:彭自維

tvb4life 發表在 痞客邦 留言(0) 人氣()