黃浩然同老婆拍拖行街,睇到黃浩然呢個眼仔碌碌樣,就知佢康復進度良好。 

全知言

黃浩然出院戴珠

Ads by Google

上月因「貝賽特氏症」而入院嘅黃浩然,好彩已經康復出院,上周四( 25日)全知言就撞見佢精神奕奕同老婆莫家嘉行街街。

 

當日下午差不多 3點,全知言喺銅鑼灣行緊街,突然俾個喺室內 shopping緊都戴住太陽眼睛嘅女士吸引住。全知言以為係星啦,結果啱咗一半,佢係星嘅老婆,而真正嘅星黃浩然,就好簡約咁戴住頂 cap帽等老婆。出咗院都有一星期,黃浩然氣息唔錯,亦比剛出院時肥番少少,離開鋪頭時仲識拖住老婆行。全知言更發現二人嘅手上多咗條疑似佛珠嘅手鏈。經歷大病,之前又傳喺民初街撞邪,黃浩然同老婆選擇寧可信其有。


同老婆對手都有同款藍色珠鍊,寧可信其有。 

結婚 9年,經歷大病嘅黃浩然同老婆感情有增無減,二人嘅背影好 sweet。 

全站熱搜

tvb4life 發表在 痞客邦 留言(0) 人氣()