90後的 Ashly Chan拍片 3年,是全職 YouTuber,收入唔穩定亦唔介意,她說:「我唔出街又食得少,買衫、化妝有限錢啫,唔知 YouTube點計錢㗎,暫時夠使冇諗咁長遠,如將來職業打機就最好啦!」 

爆 Like王

條條片唔同樣 Ashly Chan「我真係冇整過!」

Ads by Google

男仔鍾意打機、鍾意睇女、鍾意睇身材,邊個可以滿足你 3個願望?
Ashly做得到! Ashly拍咗 80條片上 YouTube,經常性感打機加超溫柔叫你做 BB,最近仲超低胸玩 iPhone 6新機,集齊宅男最愛元素,訂閱人數即刻突破 6萬!
Ashly係全職 YouTuber,之前做過時裝 sales,好明白低胸吸客嘅道理,之不過性感帶來好多麻煩,有網友想出錢買一日 dating,又有人質疑 Ashly整過容。
好彩 Ashly未驚過:「鍾意做嘅嘢唔會改!」安樂晒!

找數谷盡


網上圖片 

早前冰桶挑戰 Ashly都有玩,喺片尾仲好識做咁除剩泳衣,咁清楚網友想睇乜, 10萬點擊率 easy啦!

睇得邊樣


網上圖片 

iPhone 6一出, Ashly即搶閘拍開箱片,真人示範角度的重要性,好多網友話有一半時間唔係望住部 iPhone。

8月


網上圖片 

網友質疑整容,其實比較一下兩個月嘅片, Ashly只係化妝唔同咗,真係唔似整過喎!

9月


網上圖片 

Ashly同宅男一樣鍾意睇漫畫,又愛穿 cosplay拍片,佢話:「我鍾意代入漫畫角色,不過唔識造衫,唔夠專業㗎!」

 


Ashly有個打機死穴,就係運動 game,訪問當日應記者要求玩 kinect嘅跳舞同保齡, Ashly即時手腳唔協調,非常搞笑,想睇就要睇片喇! 

F:《 FACE》  A: Ashly Chan

F:點解你拍片要着得咁性感呢?
A:因為我係個好宅嘅人,自細好鍾意睇漫畫,喺漫畫薰陶之下,覺得入面啲女主角係完美嘅!就算啲角色係公主病又好,刁蠻任性又好,都唔會覺得佢哋有缺陷。我都好想做個完美嘅人,學佢哋咁打扮,鍾意性感咪性感囉,鍾意保守咪保守囉;冇諗過唔再性感喎,我鍾意做嘅嘢唔會改。

F:有冇網友追過你?
A:之前有網友話俾錢我同佢出街,咁我好惡嘅,我話如果再有呢啲人,就開名,唔打格仔,跟住就冇咗呢啲人。佢哋唔應該覺得所有女仔都係咁嘅人囉!佢哋用啲明眼人都覺得講大話嘅字眼,話:「我真心想認識你,真心想同你交朋友。」真心想識朋友唔係俾錢你嘛!一開始你都錯晒,唔使再傾落去;想識新朋友我建議喺正常途徑識囉。

 

F:你有冇拍拖?理想男朋友係點?
A:好耐冇拍喇!我好宅,我唔出街㗎!識唔到男友就算啦!如果揀男友,佢要孝順啦,要接受到我做緊嘅嘢啦,接受到我成日陪唔到佢啦,可能選擇留喺屋企都唔同佢出街啦。(如果佢肯喺屋企陪住你呢?)我介意呀!我好鍾意自己一個,冇必要唔好入嚟我嘅世界!

F:其實你有冇整容呢?
A:啲網友話我段段片都唔同樣嘛,其實可能換咗支唇膏呀、黐咗眼睫毛呀,真係冇整過。無論大小整容,就算打支針都好,要回復都要時間㗎,但我出片出得咁密,真係高估咗我復原嘅能力。我接受整容㗎,我乜都接受,你鍾意做咩咪去做囉,傷害唔到人都可以去做,自由嚟㗎嘛,我都想整㗎!想磨咗鼻樑個節,驚婚姻唔好嘛,但我驚磨骨第日會風濕呀,哈哈!


場地鳴謝: House Moment

tvb4life 發表在 痞客邦 留言(0) 人氣()