城大應用社會學 Yr.4 邵靖妍( Tiffie)Tiffie一直都想做記者,「之前喺浸大讀新聞系副學士,有好多機會出去採訪,可惜入唔返浸大讀新聞系 degree,畢業想喺數碼媒體度做記者,做蘋果動都唔錯!」 

U花 U草

10.1去飲爭普選 城大 BB 邵靖妍:上更有意義嘅堂!

Ads by Google

咪以為學生罷課有得去添馬公園 hea吓野餐玩自拍,實情大部分學生都有團火,堅拒袋住先假普選,齊齊走到露天上公民課堂,比平日返學更專心!

 


入大學個個都恨住宿舍玩餐飽, Yr.4嘅 Tiffie家住天水圍偏偏冇住過宿舍,「因為我星期六、日都出去私影,好夜返屋企,如果平日又住宿舍,就冇時間同屋企人食飯!」 

讀緊城大應用社會學 Yr.4嘅邵靖妍( Tiffie)上星期參加完中大罷課集會,更直踩添馬公園上公民課堂。大是大非當前,平時做開兼職模特兒,每星期都有 job接嘅 Tiffie選擇搵少啲錢都要撐罷課, 23歲嘅 Tiffie話:「罷課唔係唔上堂,而係換個地方,上更有意義嘅堂,嗰日聽完導演舒琪嘅分享,令我更加明白社會上好多事,合法但不合道德,令我更覺得作為香港人,唔可以唔發聲!」
Tiffie同其他 90後唔同,手機唔淨只煲劇同自拍,反而日日唔睇新聞唔安樂。「畢業之後想做港聞記者,所以睇港聞係我每日一定會做嘅事,每朝起身我都用電話 apps粗略睇一次有咩新聞,返到學校圖書館再睇埋報紙,特別係社論同其他學者嘅專欄,咁先至完整!嚟緊 10月 1日盛宴,梗係出席啦,到時見!」靚女都可以熱血㗎!

 

 


Tiffie中七起開始做模特兒,擺 pose駕輕就熟,「影相搵錢比一般兼職多,賺幾多?唔講啦!」 

上年 Tiffie去北京做實習,「我去咗一間非牟利機構做勞工研究,教吓佢哋點提升工作安全意識,同佢哋食吓飯,真係聽唔明佢哋啲口音,但係一個好好嘅採訪經驗。」 Tiffie其間都有去長城及坐火車遊玩。 


撰文:葉浩婷
攝影:何榮亮
服裝及化妝: Kika Wong

全站熱搜

tvb4life 發表在 痞客邦 留言(0) 人氣()