個假紋身畫得唔錯,又有人服侍吹乾,不過 46歲馬神皮膚仲咁滑先至難得。#馬神#紋身 

貼圖區

約滿走人 馬德鐘做甩色紋身大佬

Ads by Google

年賺 7億都話要裁員,咁有「人情味」嘅公司,難怪人才都唔願留低為你賣命。
好似 46歲馬德鐘咁,雖然唔係大台親生仔,但孭飛劇都有收視保證。上年拍《飛虎 II》、現忙拍《以和為貴》拍到 12月,搞掂埋就完成部頭合約。據知大台想馬神再續 3年部頭約,可惜大台出手低,加上馬神拍完《以》劇後緊接有兩套大陸劇開工,現身價 20萬人仔一集,真係好難搵到理由返大台賺雞碎人工。

 

上周日( 21日)馬神到數碼港為《以》劇開工,紋埋個甩色假紋身扮麻雀館大佬。期間監製林志華一直傍實,一向視馬神為愛將嘅林監製出盡力氹馬神留低,不過馬神仍話:「拍完呢部先會再傾,仲有兩部大陸劇等緊!」外面有世界,睬你都傻!


紋身本身好靚㗎,顏色開頭都好實淨,點知過咗半個鐘就淡晒,馬神睇到都搲晒頭!#甩色#tattoo#流嘢

李思捷雖然一身街坊裝到場,不過架過百萬法拉利就夠晒照。#李思捷#法拉利 

雖然大台出唔到高價,不過馬神都冇 hea,開工前日日做 gym keep住副偈搵人仔!網上圖片

馬神 fit,原來馬太張筱蘭仲 fit,不時喺微博上載做 gym相,成家都咁健康!網上圖片 

上周日( 21日)馬神開工拍劇, 16歲馬仔馬在驤就參加公益金百萬泳,仲攞到接力冠軍,黎明頒獎,但事後馬仔話不知道黎明是誰。黎明?高登好少提囉!#黎明是誰(網上圖片) 

採訪、撰文、攝影:娛樂組

創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()