五官同口形都一模一樣,你分到邊個先係 Eason嗎?網上圖片 

真面目

人有相似 仁川亞運勁撞樣 混血吳尊用劍嘅

Ads by Google

仁川亞運進行超過一星期,香港隊不負眾望攞到好成績!唔只「牛下女車神」李慧詩勇奪兩面金牌,其他項目都唔弱,包括馬術三項賽同壁球女子團體賽各取得銅牌,另外中韓混血的花劍美男崔浩然同跳馬暖男石偉雄,兩人分別為香港增添 1面銅牌及 1面金牌,真係光宗耀祖!
除了撐港隊,睇住亞運搵撞樣都幾過癮!繼台灣舉重女選手林子琦同 Eason百分比 match外,仲有好多運動員都有明星相,第時退役都可以入行拍戲搵食啦!

花劍吳尊 崔浩然

21歲花劍美男崔浩然擁有¼韓國血統,同 K-pop組合「 GOT7」港仔成員 Jackson亦係好兄弟。生得一副韓星相又有幾分似吳尊的崔浩然,雖然在今屆花劍男單 8強出局,但亦與隊友奪得男子花劍團體賽銅牌,唔使空手而回。
兩年前成為倫奧香港代表團最年輕選手,崔浩然將會繼續練劍,希望挑戰下屆奧運。不過奧運仲有兩年先到,浩然現時可以專注學韓文,又狂煲韓劇同聽 BIGBANG,實行全面變韓仔冧女!「 GOT7」隨時加個混血仔都有諗喎!


浩然(左)同曾係劍擊隊嘅 Jackson(右)係好兄弟,兩人一見面就會自拍留念。網上圖片 

跳馬陳柏宇 石偉雄

歷史性奪得亞運體操金牌的 22歲石偉雄,擊敗奧運跳馬冠軍,韓國選手梁鶴善,爆冷奪金。同陳柏宇及韓星李準有 7成似的石仔,兩年前在倫奧失手,上年因為手指甩臼養傷一段時間,要苦練 9個月先可以重拾比賽狀態,好在最後仍然可以完美演繹前空翻兩周加 180轉體的高難度動作,以 15.216高分力壓其他選手。
6歲開始學體操,石仔 17歲已代表天主教新民書院在全港中學校際體操比賽贏得 4面金牌,完成亞運後,將往廣西角逐世錦賽,繼續向獎牌出發。今次嬴冠軍有 40萬獎金,石仔講明會儲起,唔通想用嚟同初戀女友結婚?


兩年前嘅石仔,一頭金毛 MK feel,同陳柏宇勁似樣!《蘋果日報》圖片 

成熟咗嘅石仔,今屆仁川亞運又變咗似韓星李準喎!路透社圖片 

石仔同女友拍拖多年,佢今次凱旋而歸,做護士嘅女友都有接機。網上圖片

 

 


羽毛球男雙相似度 90% 

女子舉重 53公斤級相似度 60% 

女子二百米蝶式金牌相似度 80%

撰文:娛樂組 美術:馬加樂

創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()