Polly作為張智霖經理人只有一年時間,一向深得蕭定一器重,估唔到最終被炒收場。 

真面目

唔熟唔食 經理人落格被炒 呃張智霖欣宜莊思敏百萬

Ads by Google

做藝人搵到個又 fit又啱傾嘅經理人,拍住檔上有錢齊齊搵,絕對係如魚得水。
不過凡事冇咁理想,上星期一( 22日),蕭定一的中國 3D數碼娛樂有限公司忽然高調發聲明,表示炒咗負責藝人接 job的公司總經理 Polly Leung(梁雅詩)。據知有人涉嫌落格,除了藝人工作賬目不清外,更有人借 Chilam月餅代言人之名,向月餅公司領取大量月餅券,借送月餅給傳媒為名而私用取利。公司藝人除了旗下張智霖,傳加埋鄭欣宜、莊思敏等藝人損失過百萬。上週張智霖說:「冇幾百萬咁多,交咗畀公司處理!」

 

張智霖自去年簽約蕭定一後,成為蕭旗下最賺錢藝人,登台代言電影瓣瓣搵錢,有人涉嫌因錢銀問題而遭解僱,據知全因 Chilam老婆袁詠儀精明眼揭發,令正跟蕭定一傾緊新約的 Chilam一度打算急停洽談,冇咗隻金蛋就大件事。
至於有傳涉及金錢過百萬元,上週四( 25日) Chilam說:「冇咁多(數百萬)!總之交畀公司處理,作為一個男人,最大寬容就係唔回應,我仲未續約,仲欠啲細節未傾妥,我唔會呃大家話續咗約嘅。」而另一受害人莊思敏就話:「我之前仲同 Polly傾緊續約,後來返嚟香港先知( Polly)被人炒咗,我有聽過發生乜事,不過我仲計算緊損失!」至於欣宜則透過助手說:「已交畀公司處理,唔方便答!」
Chilam、莊思敏唔敢多言,當事人 Polly週一( 29日)則在電話中解釋:「其實冇乜特別啫,唔關錢銀事,咁我都退出咗火線,只係一個普通人啫,我有小朋友又就嚟生多一個,唔想講咁多啦!」而蕭定一則至截稿前仍未回覆!


Chilam作為一個男人,最大寬容就係唔回應。真實對白 

莊思敏Check損失幾多!真實對白 

欣宜唔會回應,交畀公司處理。真實對白

老闆蕭定一上週一( 22日)出聲明,高調解僱 Polly。 

靚靚一向出名精明眼,據知今次亦是她揭發有人落格。《蘋果日報》圖片 

Chilam化妝師鬧騙財

Hetty為張智霖化妝師,對 Polly騙財行為甚為不耻,更喺微博開火炮轟 Polly,言談間似乎 Hetyy Ma都是受害者。週一( 29日)她說:「(佢)個人咁樣係人都嬲㗎啦!(佢係咪呃咗 Chilam錢?)你睇我微博啦,我唔可以搭嘴,我啲局外人都係打工㗎咋!」



Polly未成為張智霖經理人前,為溫碧霞經理人,二人曾情同姊妹,但亦傳溫碧霞曾遭人騙財過百萬。 

Chilam同 Polly雖然共事只一年時間,但 Chilam當 Polly為自己人,經常約埋 Hetty Ma一齊飯聚。網上圖片 

Polly微博除咗不時上載明星合照外,亦經常上載同老公合照及家庭樂。網上圖片 

搵乜人做經理人先安全?

正所謂日防夜防,家賊難防,表面最幫你嗰個可能就係害你嗰個,睇《使徒行者》都知啦,但唔係冇計嘅!

 

A.道德佬
法官呀、律師呀,肯兼職做經理人一定信得過,或者道德情操好高尚嘅高登仔都得,但可能成日鬧你故意走光或者包二奶,起晒你底就大鑊鳥!

 

B.土豪金
土豪一般都患有嫌錢腥候群,如果有個土豪粉絲,同你講心唔講金,肯打理晒大小事務,一個仙都唔收你,又點會呃你錢?但請做定全身所有物件變晒金色嘅心理準備囉!

 

C.一家親
好似古巨基或者陳嘉桓咁,搵老婆同阿媽做經理人,呃咗你錢咪當畀家用囉,不過 EQ要夠高,免傷親情嘛!


採訪、撰文:娛樂組
攝影:娛樂組

全站熱搜

tvb4life 發表在 痞客邦 留言(0) 人氣()