狂搶肥苟Job 岑麗香脫貧買樓睇大牀

在加拿大長大的岑麗香(香香),一二年憑住劇集《巴不得媽媽》瞬間成為「宅男女神」,此後劇集浪接浪。被冠以TVB「四大處女」之一的她,形象既清純又乖巧,更是一名慳家妹。住將軍澳住到皮膚敏感的香香,最近就密謀置業;為了急急儲夠錢上車,有傳香香不惜降價硬搶好姊妹苟芸慧(肥苟)的生意。日前,本刊就發現這位TVB新一代吸金王,已成功脫貧,睇定大牀及傢俬,準備搬新竇。

Ads by Google

另外,本刊又目擊,早前與汪明荃合作拍劇《華麗轉身》的香香,為討前輩歡心,不單在傳媒面前大讚汪明荃專業,開工期間更大破慳囊,買了兩大袋生果與零食萬歲,如此識做,難怪極速上位!

香香形象健康,所以一○年奪得華姐冠軍後,就工作不斷,加上她為人知慳識儉,所以儲下不少私己錢。

身價十級跳

一○年華姐冠軍岑麗香(香香),雖然已踏入三十歲中年之齡,但憑住一張童顏,加上一副好身材,瞬間成為「宅男女神」,廣告、劇集接踵而來,成為TVB新一代吸金王。形象健康的香香搵錢話咁易,出騷價更由初出道的五千蚊,十級跳,變成現時的五萬。不過,香香的衣、食、住、行仍然慳得就慳,她曾在訪問中表示慳家是父母的教導。

揚言希望盡快買層樓,等父母可以過安穩生活的香香,坦言:「自細父母就教我要努力做嘢,唔好大使!我試過用錢最少嗰一日,只係用咗五十蚊搭的士返公司,收工就搭公司車返屋企休息同煮嘢食。因為我鍾意自己煮嘢食,想食得健康啲,如果同朋友出街食飯,先會食得好啲。其實我都係『宅女』,平日買嘢都上網買,唔開工好少出街。」

接job接到手軟的香香,已經成功脫貧,並睇定大牀,準備搬新竇;但她仍不離慳家本色,望住張近三折超特價的大牀,都仲左諗右諗。

    全站熱搜

    tvb4life 發表在 痞客邦 留言(0) 人氣()