大部分時間老師都在跟學生玩遊戲,難怪訪問時,每位學生都說學數好玩,真正做到從遊戲中學習。 

大拼盤

圖像化學數學

 

Ads by Google

小朋友學數就頭痛:解極唔明、教極都有錯漏。數學其實抽象,要小朋友理解,有一定難度。

 

有教育中心於是推出「圖像解數」法,用 Block Model、 Math Map等,幫助小朋友理解和分析數學;將抽象的數學概念形象化,等小朋友更容易明白。
走去睇堂,小朋友學 10-?=2,並非數手指或心算,而是畫棒形圖 Block Model,把這條算式畫出來,從而再計算。又好似理解較複雜的 10+(10-2),就用類似 Mind Map的 Math Map去分析,結果幾歲小朋友都識計。
堂上另一半時間是玩數學遊戲,老師講故事話豬媽媽有 5個蘋果,學生在課室到處搵,搵到了拿 1個給同學吃,然後老師問剩多少個?非常生活化。學生上堂仲玩到笑唔停口,能提升他們學數的興趣。
課程創辦人 Gigi和 Karen同在加拿大讀書,分別是統計及數學碩士畢業。發覺外國教數學着重小朋友理解後搵答案,香港就死背爛做。於是她們把外國和香港教數的長處,結合新加坡等地的經驗,創出這套教學法,並諮詢過多倫多大學數學教授意見。
跟坊間速算課程不一樣,課程終極目標係培訓思維,不是速度。 Gigi話:「明白香港學生無可能下下畫圖計算,但這課程係 stepping stone,培訓理解、分析、組織和耐性,讓學生更透徹明白題目,了解數學的關係,有了基礎,到真正做數時就唔會唔明。亦要求學生列式,唔怕跟學校差太遠。」


Gigi接受過加港數學課程,亦曾教數學,好明白各種教學法的優缺點。 

扔波遊戲教小朋友理解加減數。 

 

小一生蔡思齊
學了 3年
媽咪話:「他初時來因為近屋企,後來發現佢對數學開始有興趣。完全無操練,純粹圖像和玩,着重理解。佢今年升小一,看過他的數學書,發現加減數佢全懂,所以唔擔心佢數學追唔上。」

 

學生 Jocasta
上堂已兩年
「唔會怕數學,覺得好好玩,鍾意數學。我今年 6歲,已學加減數。」

MRM數學課程

機構:明理方教育中心
對象: 3至 12歲
語言:英語,順便訓練學生英語能力,日後遇到英數都唔使驚
時間:每堂 1小時, 12堂為 1級
師生比: 1vs6
費用:$200/小時起,視乎地區而定
地點:除中心在香港仔和半山開辦的 3間學校外,全港九新界另有 20處地點代辦。詳情瀏覽http://www.metorhood.com.hk/math 或致電 5160 1828查詢


Block Model,用棒形圖去分析加減數。 

較複雜的數可用 Math Map去理解箇中的關係。 

中心購入不少遊戲訓練學生邏輯思維。

選文:馮淑玲 
攝影:周芝瑩
錄影:蔡政峰

    全站熱搜

    tvb4life 發表在 痞客邦 留言(0) 人氣()