話晒要放入老婆口,黃日華梗係要精挑細選啦!揀咗一大輪先買齊所有嘢! 

媽咪姐

黃日華錫老婆揀無添加

Ads by Google

做女人最緊要識揀,講緊黃日華嘅老婆梁潔華呀!自從佢上年發現患血癌後,老公除咗要開工搵食之外,其他時間一直仆心仆命咁照顧佢,真係患難見真情。

 

好彩醫咗大半年,梁潔華依家叫做好番,華哥梗係開心啦!但話晒大病初癒,萬事要小心。早前,媽咪姐就見到佢去九龍城買湯料,可能因為最近太多黑心食品,驚影響老婆健康,所以專登搵賣天然冇添加食材嘅舖頭。睇佢連紅豆、黑豆呢啲都揀得咁小心,就知有幾錫老婆啦!


老婆啱啱血癌初癒,要注意飲食,黃日華特登揸車去九龍城買天然食品。 

以往黃家都係一家三口齊齊出動,自從梁潔華患病之後就好少見到呢個情景。 

    全站熱搜

    tvb4life 發表在 痞客邦 留言(0) 人氣()