博出位

秋意濃濃郊遊遊

Ads by Google

秋風起,趕唔切捉住夏天尾巴嘅你,唔緊要!學吓一班藝人,去登高郊遊,感受吓濃濃嘅秋意。好似啱啱宣布有咗嘅梁詠琪,呢日同老公帶埋狗狗去行山感受秋意。而啱啱病癒出院嘅黃浩然亦同冼師傅去行山順便操 fit番個身體。個個都咁積極,睇嚟媽咪姐都要上山吸吓啲靈氣先得!

梁詠琪 挺肚登高

梁詠琪自從宣布有喜之後,全面停工安心養胎,呢日喺微博透露自己同老公去咗太平山登高。睇嚟係想俾未面世嘅 BB,感受吓秋高氣爽嘅感覺喎!

蔡一智 出路遇貴人

Sir one one呢日同老婆去行山,行完嗰陣仲遇到好心哥哥車佢哋返屋企,所以話呢,呢個世界仲有好人嘅!之後 Sir one one再同老婆帶埋囝囝去沙灘玩水睇日落,呢對父母真係好精力!


黃浩然 行山養病

黃浩然早排因為患上「貝塞特氏症」入廠大修,早幾日先出院。估唔到佢一出院就約埋師傅冼灝英去行山。吸一下新鮮空氣,的確係康復嘅第一課!

蘇志威 獨自闖屏山

蘇老闆為咗喺重陽前去感受吓秋意,不惜自己一支公去到元朗屏山文物徑郊遊,仲喺景點嚟張自拍,真係小心 chok親!

邵美琪陳伶俐 孖住遊大澳

早兩日有網友就見到發福不少嘅陳伶俐(右),孖住好姊妹邵美琪,去大澳遊山玩水,仲將佢哋嘅相放咗上微博。驟眼睇,兩個身形,一肥一瘦真係好大對比吓喎!

    全站熱搜

    tvb4life 發表在 痞客邦 留言(0) 人氣()