Raja品種:唐狗性別:男年齡: 3歲幸得 Moses冒着生命危險,帶 Raja脫離險境,牠才有活下去的機會。 

Petbook

救狗一命

Ads by Google

早前港鐵漠視唐狗未雪生命,可謂天怒人怨!對 Queeny和 Moses來說,每一隻狗狗的生命跟人一樣重要。 3年前,他們遇到即將被河水沖走的小狗 Raja,最後幾經辛苦把牠拯救上來,並為他提供一個舒適的家。有時候,一條生命的死活,就在你一念之間。

 


Raja過的雖不是豪華級生活,但有瓦遮頭三餐溫飽及得到主人的愛護,已經很不錯。 

唐狗 Raja對人類的戒心甚強,只信任主人 Queeny和 Moses,任何陌生人走近,牠都會逃到同屋的唐狗肥黑和肥白身後,尋求保護。 Queeny說:「我哋養咗 10隻狗,而 Raja係由肥黑及肥白湊大,有咩事都會搵佢哋幫手,感情非常好。」
3年前, Queeny和丈夫 Moses駕車回家途中,看到一隻受了傷的唐狗 BB在路邊防撞欄處, 2人立即停車,打算幫牠脫離險境,「當日天文台掛緊黃色暴雨警報,我怕佢會跌入防撞欄後面條河,俾水沖走,我即刻報警叫消防員嚟幫手,點知佢哋話拯救對象唔係人類,唔可以出隊救狗,只可 pass畀愛護動物協會處理,但佢哋最終都冇理到我,最後由我老公落車救佢。」

愈叫愈走

小狗不知道 Moses的好意,因害怕而逃跑到河邊,當時牠距離河邊只有數呎,稍一不慎便會跌落河中,當時 Moses決定游繩下去營救牠, Moses說:「我正職係飛行服務隊員,識得游繩下降,事前我同我太太講,假如我跌咗落水就幫我報警,到時消防一定會派人嚟。」
經過 1小時的搏鬥,小狗終於脫險,其後被送往獸醫診所進行身體檢查, Queeny說:「佢身體有多處燒傷,獸醫懷疑佢俾人用煙頭燒到咁,真係好變態!不過除咗呢樣之外,身體都冇乜大問題,可以出院休息,獸醫仲幫佢改名叫 Raja,係印度文,即王子咁解,意思係希望佢將來可以過王子嘅生活。」


肥黑(前)和肥白(中)會主動保護 Raja(後),當記者走近 Raja,牠們就走出來擋着去路。 

採訪當日, Queeny和 Moses帶 Raja回到事發的河邊。 

半年感化


Queeny指 Raja缺乏安全感,因此牠很享受被抱的感覺。 

Raja初到 2人的家時十分怕人,因此 Queeny和 Moses每天至會花時間跟牠溝通,「 Raja之前俾人虐待過,對人唔信任,初時我想摸佢都會避,所以每日放工返嚟,我都會摸吓佢,同佢傾吓偈,等佢慢慢接受我哋,最後花咗半年先得到 Raja嘅信任。」
現在 Raja已經在 Queeny和 Moses家生活了 3年,雖然說不上是王子級的生活,但總算 3餐溫飽,安安穩穩,「我同老公一直有做狗義工救狗,仲會幫啲被遺棄嘅狗狗尋家,呢 5年嚟幫咗約 100隻狗狗搵新主人,呢項工作雖然辛苦,但意義真係好大。早前俾列車輾斃嘅狗狗『未雪』,如果我哋在場,一定落去路軌救佢,因為每一條生命,對我哋嚟講都好重要。」


撰文:何倬然
攝影:羅巧怡

創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()