雍準雖然體弱多病,但她不怕捱苦,不介意做到損手爛腳。 

Jobs Live

剫木女將

Ads by Google

剫木屬於粗活工作,向來只會配個「佬」字,但今時今日,仍有後生女入行,實在難得。只得 28歲的雍準,從法國回流香港後,一心抱住承傳心態,拜年近 80的龍師傅為師,學習製作入榫家具,近月她更開木工班教學生,宣傳環保意識。

 

「入榫造嘅家具,一口釘都唔用得,但會襟用好多,用 60年都唔爛。不過整一張凳要 4至 6個鐘,所以𠵱家已經好少人會整,唔夠效率嘛。」雖然採訪當日戶外氣溫超過 30度,但雍準沒有停過手,在烈日下打造木凳,認真捱得。

台灣學藝

在法國修讀視覺傳意的雍準,畢業後回流香港,並當了 2年自由工作者,「接 graphic design嘅 freelance,令我有好多時間去做其他嘢,木工係我一直都想學嘅技能,可以實實在在整樣 product出嚟,唔似得 graphic design咁紙上談兵,於是今年 1月我去咗台灣嘅『分享工房』學木工,為期 1個月。」
學成歸來,雍準打算入行做木工,半年前,在朋友介紹下,她認識了龍師傅,「龍師傅平時會喺灣仔藍屋度造木家具及幫街坊維修,喺香港做入榫家具嘅師傅已經愈嚟愈少,如果冇新一代人承傳落去就會失傳,所以我決定拜佢為師。」

體弱多病


做木工難免會受傷,每當雍準受傷時,龍師傅會親自為愛徒處理傷口。 

雍準指最初家人怕她辛苦,反對她當木工,「我自小多病,每逢天氣轉都會病,我要喺戶外整家具,咩天氣都要硬食,特別易病。好似 4個月前,我扁桃腺發炎,食咗成個月抗生素先好得番,家人梗係反對啦!之後佢哋見我冇放棄,知我唔係玩玩吓就冇再反對。」坊間木工師傅,起薪點約$10,000。
現在雍準跟隨龍師傅,學藝之餘,亦會幫忙造木家具和修理工作,此外,今月開始,他們定期開辦 workshop,教學生木工,「學生學完木工後,識得自己修理壞咗嘅家具,環保之餘,又可以將入榫家具傳落下一代,好有滿足感。」

即製入榫木凳

 


1.把木材放在木凳設計圖上,然後在木材上畫好分割線。 

2.用木鋸把凳腳割好榫位。 

3.再用挫在木板上打洞,這個步驟最費時,一般要花 2至 3小時。

4.在凳腳的榫位塗上木工膠水 

5.然後把凳腳打入木板上的洞。 

6.完成

撰文:何倬然
攝影:傅新發

創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()