Apple  22歲 香港教育學院幼兒教育系 Yr.4採訪當日, Apple在校門拍攝 footage,為學校製作宣傳片。 

U撈

沒有放棄過

Ads by Google

「我有一個夢想。」這句話被沒女阿銀翻炒,即變成了城中熱話,大家看她在電視節目裏做 show追夢時,現實中不少人正為自己的夢想打拼。 Apple高考失準,入不到心儀的電影系,但她沒有放棄電影夢,自學拍片、剪片和寫劇本,現她除被聘為學校拍宣傳片外,她寫的劇本亦受到劇社賞識,被拍成舞台劇,向夢想漸漸邁進。

 


Yr.2時, Apple寫了《 Dad, may I come out?》,被校內劇社拍成話劇,在荃灣大會堂公演,令她十分鼓舞。 

星期五晚,各大專院校的學生都忙着執拾物品,坐車回家陪家人,但 Apple卻留在校中拍攝 footage,「每個月我都要幫學校拍片,一有時間我就會拍定啲 footage,等將來剪片時多啲資料用。」現時 Apple是教院的影片製作員,專為學會拍攝宣傳片,月薪約有$3,000。
中學時期, Apple已加入戲劇學會,發展自己的興趣,「我由細到大都鍾意睇戲及話劇,投身呢行亦係我嘅夢想,中學畢業後,我打算入浸大讀電視及電影,為自己將來鋪路。」
可惜 Apple的成績未能如願,在家人和朋友的建議下,入讀了出路較穩陣的幼兒教育系,「我始終想向電影拍攝方面發展,於是我決定上莊,加入校內嘅學生電視學會,請教會內嘅前輩拍片及剪片技巧。」

執導參賽


Apple一有時間便會到校內的電腦室剪片,「每個月我都要幫學校剪一條片,一條 3至 4分鐘嘅片平均要剪成 12至 24個鐘。」 

同年, Apple打算試試身手,參加校外的微電影比賽「文影共舞」,影片由她執導,雖然沒有獲得獎項,但她自言獲益良多,「個故事係講一個死人化妝師嘅愛情故事。第一次拍片,我搵咗朋友幫手做男女主角,拍咗 5個鐘後,都拍唔到我想要嘅效果,但演員已經有怨言,最終段片拍出嚟未如理想,下次我會搵做開 drama或拍開片嘅人做主角。另外,我畀條片學會師兄睇,佢哋教我應該加插風景空鏡,令套戲更加有 feel。」
除拍片外,在 Yr.2和 Yr.3時, Apple寫了 3部劇本,通通被劇社選用,拍成舞台劇,「其實由中學開始,我已經寫劇本,總共寫咗 6部戲。 Yr.2時,學校戲劇學會喺校內徵劇本,於是我寫咗部講同性戀嘅《 Dad, may I come out?》去參賽,最後喺 15名參加者入面贏咗,俾劇社拍成話劇,喺荃灣大會堂公演。其後,我 Yr.3嘅 2部作品《夢。遺》及《蘊釀的宕波》都被校內劇社選用,雖然冇錢收,但有人認同我寫嘅嘢,已經好滿足。」

韓國交流


去年暑期, Apple(右)到了韓國學影片製作,圖為當時她跟同學的合照。 

去年暑期, Apple參加了學校舉辦的交流團,到韓國的 Dong Kuk University學習拍片和剪片技巧,為期兩星期,「當地人好擅長用 Final Cut Pro及 Aftereffect等剪片軟件,學完之後,我喺剪片方面進步咗好多。返港後,我俾學校睇中,搵我拍宣傳片。」
Apple下年便要投身社會,她坦言入電影圈有難度,但她不會放棄,「我一定唔會做老師,怕教壞人。我點都想入電影行業發展,編劇又好、揸機又好、剪片都好,只要入到行就得,我𠵱家會盡量識多啲人,參加多啲微電影比賽,希望得到入行機會,唔得嘅話就走去做空姐。」

想接拍片和剪片 freelance?


一些網上論壇如 http://www.dchome.net 可以找到大量 freelance的拍片及剪片工作,工作性質由廣告或婚禮拍攝都有,價錢和工作時間則每次不同,求職者要自行洽談。以婚禮拍攝為例,每條約 3至 5分鐘的片,收費約$2,000。


撰文:何倬然
攝影:羅巧怡
部分圖片由被訪者提供

全站熱搜

tvb4life 發表在 痞客邦 留言(0) 人氣()