Eric表示因默劇着重肢體的表現,故初時需經常對鏡練習,「每一個動作都會去研究,知道真實物件同環境嘅質感,就可以放大去做。好似成日見嘅摸牆動作,配合其他肢體 pose,就有唔同效果。」 

青雲路

無聲模式

Ads by Google

雖香港常被評為「文化沙漠」,但仍有一班藝術界人士致力推廣本地文化活動,希望更多人接觸各種藝術表演。話劇大家看得多,但默劇表演呢?印象中的默劇,就是把臉塗得白白一片的演員,演着無聲劇。從事默劇表演近 17年的 Eric,不斷推廣默劇文化,更成立劇團《無聲模式》,讓更多人用心感受無聲的感動!

 

採訪當日,記者來到位於大角咀的戲子館排練室,館內貼滿不少過往演出的照片及即將演出劇目的海報,正在化默劇妝的 Eric表示,默劇於香港並不普及,不少觀眾都誤以為做默劇一定把臉塗得紙般白。
「其實演默劇唔一定要化白臉妝。平時睇『拉繩』、『摸牆』係幻象類,抽象類則着重形體表現去表達感覺,另外仲有故事性強嘅啞劇及傳統黑衫黑褲嘅默劇。雖然大部分表演都唔會講嘢,着重肢體動作,但一啲情緒聲音,好似『呀』、『唉』、『喔』等,都可以發出聲。」
Eric自小已對電視電影很感興趣,「覺得做演員一定好好玩,一直都好想試吓!」直至 94年,他修畢電腦高級文憑後,才嘗試接觸話劇。「當時舞台劇文化開始冒起,我睇過唔同劇團嘅演出,其中《我和春天有個約會》及《孤星淚》,對我影響都幾大,覺得好震攝人心!唔單止內容上,見到轉景、走位、甚至 1人分飾多角等舞台效果,其實都幾花心機及技巧。」



加入劇團

對話劇產生興趣的 Eric,於 95年開始學習話劇,「最初都係為興趣,見工聯會有興趣班,就試下報名。」兩年後,他加入赫墾坊劇團,參與不同的演出。「我想接觸唔同類型嘅表演模式,同年,見藝術中心有開默劇班,覺得幾有趣,平時喺電視都有見過『拉繩』、『摸牆』等招式,好好奇要點演繹!」
默劇班帶給 Eric很大新鮮感,憶述當日的感受,他仍雀躍萬分,「默劇唔使講對白,相對地肢體動作要夠大,一開始以為自己做得夠,但喺人哋眼中,都仲未夠誇張。所以我平時要留意多啲環境及物體嘅細節,好似飲水要點拎起隻杯,再放大去做。」



Eric表示默劇演員的化妝,需用小丑用顏料(見小圖),將臉平均塗白,「以前啱啱開始學,會搽到好唔平均,練習得多,化妝就會慢慢進步。」 

現時, Eric會到各中、小學及工聯會教默劇興趣班,學員以 18至 50歲不等,「其實 15至 20分鐘嘅表演,都需要好多嘅體力消耗,所以平日體能訓練都好重要!」 

09年,表演《我的默劇人生》, Eric表示盡力會讓學員有表演的機會。 

變為事業


除了沉醉於默劇世界, Eric平日喜歡到深水埗的玩具店及夜冷鋪,「除咗幾鍾意睇玩具外,都會搵吓唔同嘅飾物做道具。」 

Eric坦言自己喜歡表演,由興趣變成事業,「香港太多人做話劇,競爭性好大,我鍾意做少人做嘅事,覺得好有挑戰性,加上對默劇有興趣,想喺呢方面浸淫多啲!」 02年 Eric下定決心專注發展默劇,更毅然辭去文職工作,成立了默劇團體《無聲模式》。
Eric笑說:「有青春可以去燃燒,難得搵到自己嘅興趣,就想全心全意去做!」他主動去信不同的中、小學申請示範表演及教興趣班,作宣傳及推廣默劇,「現時行內約有 10人全職搞默劇,講真,默劇欠表演亦欠觀眾,所以會做多啲入校示範,都有學校見反應唔錯,邀請我開班。」

精神疲累

剛起步 1年後,卻未見太大成效,難免有挫敗感,「一般表演係 3至 4度演出,視乎劇團規模同知名度而定,一般劇院的入座人數由 300至 500人不等。而默劇表演好少會有 full house嘅情況,試過演出前兩星期,票房仲係得 1成!雖然有叫朋友再邀請多啲人嚟,但演出 3場後,總票房平均都唔到 5成。嗰年喺精神上好攰,好徬徨,付出咗咁多時間心機,仲係好少人參與。當時覺得自己孤身作戰,家人又擔心我搵唔到食,產生咗放棄停辦劇團嘅念頭……」
然而, Eric於每場的問卷意見上發現,不少人對默劇的印象有所改變,「佢地話原來默劇都可以睇得明,同埋幾有趣!」這猶如黑暗中看見一線曙光,這小小的鼓勵足以成為 Eric堅持下去的動力。「於是我編多咗短劇,及故事性強嘅劇目;加上每一開班,都有一班學生支持,終於得到一種並肩同行嘅感覺,令我挨過灰心時期。」


圖為 Eric去年籌辦的表演《潘朵拉的盒子》,「平時一場表演約 15至 20分鐘,今次套劇長 1個鐘!好彩觀眾反應都幾好,同埋係對自己同學員嘅一個挑戰!」 

今年 8月, Eric與酒店合作,表演街頭默劇,「呢次都幾難忘,因為酒店想營造法國街頭嘅效果,所以我用咗好多道具去配合,好似皮箱、紅領巾、紅帽等。」 

除了一般默劇表演外, Eric亦有心推動其他藝術活動,「嚟緊 9月 26日,我哋有一個『週五狂熱——梅艷芳之夜』嘅歌唱預演,請咗黃洦濤先生嚟演唱!到 10月就有正式表演。」預演歡迎任何 7歲以上有興趣人士參與,每位入場$40。

重拾動力

雖重拾動力,但經營劇團始終需要資金, Eric坦言即使接表演仍不夠支持經費,所以他有當學校的活動導師及接一些 freelance工作,「 04年我有接配音工作。配音同默劇,一個係用聲音做戲,一個就用肢體表達,冇對白,好似南轅北轍,但兩者嘅共通點都係去表達情緒,將情緒及反應放大,對表演好有幫助。」
因默劇沒對白,觀眾的集中力大多只可維持約 15至 20分鐘,所以一般默劇劇目都不會太長。去年, Eric卻籌辦了一個約長 1小時的劇目,希望挑戰之餘,並讓學生參與其中,「我改編《潘朵拉的盒子》,講每個人心入面都有魔鬼,本身係悲劇結尾,但我哋盡力去做一個 happy ending版本,希望多啲人感受默劇唔一定係悲劇,感受其多變性。」

後記:揾食

在香港搞藝術,都要面對搵食這個命題。除了於學校及工聯會教班, Eric亦會接商場及酒店等表演工作,每次 15至 20分鐘表演收費由$1,000至$1,200起。「網絡世界真係幫到好多,喺 facebook同網站做多啲宣傳,反應真係好啲。 13年我同兩位朋友開咗戲子館,有地方排戲亦有地方開辦唔同嘅興趣班,希望令默劇普及之餘,都要維持到生活。」

點入行

Eric表示,對話劇或默劇有興趣並希望入行者,可以先修讀相關課程,或加入坊間劇社,參加舞台演出及製作。「要肯付出心機同時間,因為默劇技巧唔係一朝一夕可以練成,亦都需要體能訓練,希望日後可以培育多啲真心鍾意戲劇嘅學員!」

課程:默劇演員訓練初階
機構:戲子館
費用:$850
對象: 18歲以上對默劇表演有興趣之人士,無需演出經驗
堂數: 6堂,每次 2.5小時
日期: 9月至 10月,逢星期四
時間: 7:30pm至 10:00pm
內容:講解舞台劇引論,主動及被動性動作分析、外向及內向動作解構、眼神運用、正面及負面情緒與動作關聯等。以輕鬆實用的劇場遊戲及生活中的片段為元素,令學員更容易去想像及理解,也能增進對生活的敏感度。
查詢: 8100 1858
地址:九龍大角咀洋松街 81-83號納東中心 10樓 C室

晉升階梯

資深演員(需約 5年或以上經驗)
每場薪金約$3,000至$5,000或以上

演員(需約 3年或以上經驗)
每場薪金約$1,500至$2,000

初級演員(無需經驗)
每場薪金約$200至$300
以舞台劇演員計算


撰文:霍芷晴 
攝影:彭自維、霍芷晴
部分相片由被訪者提供

創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()