沙士被壓從來不以真面目示人,《 FACE》就將他的「日系顏文字」 icon相變成面具,戴起來接受訪問。 

Webber

「我不是沙士比亞 我只是一個──網絡寫手」沙士被壓

Ads by Google

從前想當作家,條件是文筆優美、詞藻華麗、故事細膩、情節動人……所以對於很多喜歡寫作的人來說,當作家是件極為高尚而且非常有型的職業。
然而時至今日,網絡發達,每個人都能上網發佈自己的文章,有人閱讀、評論、關注、讚好,就能自稱作家。
專寫奇幻題材的「沙士被壓」,更已經有出版社安排出實體書,但他仍謙稱只是一名「網絡寫手」,仍有進步空間、發展餘地,是一名在網絡上寫作的小薯仔。
雖然在香港這彈丸小城,有心做好自己文章的人寥寥可數,但記者敢說:「沙士肯定是有心之士!」

Webber's Profile

沙士被壓
高登賜酒人氣: 358
facebook page:沙士被壓(likes: 2949)
作品總數:網絡長篇 x3;書籍 x2
創作年資: 2年
最受歡迎連載作品:【怪談】天黑莫回頭,背後不是人

Face:一開始係點樣開始你嘅網絡寫手生涯?


在沙士的 fb fan page入面,沙士被壓事無大小都會和讀者交流。 

沙士被壓:初衷只係想練文筆,於是同時喺高登同 facebook開咗個 page去寫啲小故事。一開始寫咗個關於荒島嘅連載故仔,初時冇咩人睇,累積咗半年可能先得百零二百個讀者,但我都堅持寫落去。其後發現鬼故原來有種好獨特嘅魅力,可以吸引到讀者,而我又覺得係對自己嘅挑戰,所以就不斷去做好多資料搜集,訪問好多人,好用心咁去寫,慢慢寫落去,已經累積咗有十零萬字。

Face:你覺得傳統作家同網絡寫手分別喺邊?


在高登討論區,沙士還被美名為「 bb」 

沙士被壓:我覺得讀者係透過作品了解傳統作家嘅想法,網絡寫手卻有啲唔同,因為睇故仔嘅同時,作者同讀者可以互相交流,可以喺作品以外,私底下認識故事以外作者係個乜嘢人。

Face:點睇其他同你一樣嘅網絡寫手?

沙士被壓:各位都好多元化,乜嘢題材都會有,雖然文筆好次要,但勝在喺橋段同包裝上面都做得好好。但如果你有喺高登睇過其他故仔,好多都係開頭吹到天花龍鳳,但埋尾就爛哂,冇好清楚去諗成個故仔嘅脈絡。

Face:有謂「寧得罪拉登都莫得罪高登」,你自己喺呢個網絡世界嘅生存之道係點?


在每一篇短故 post內,沙士只會貼一張只寫有故事名的圖片,非常樸實。 

沙士被壓:講真, EQ真係要夠高。寫得啲嘢出嚟,有人讚好梗係開心,我自己亦都因為咁而好有成功感!但當中一定有人會唔鍾意、會鬧,但我自己就冇乜所謂。所以我覺得做一個網絡寫手係要「高調同時低調」:出文要高調,但面對批評同評論就要低調。


撰文:陳可兒
攝影:傅新發

全站熱搜

tvb4life 發表在 痞客邦 留言(0) 人氣()