阿 Sa放低形象,着到師奶咁去街市買餸,之後仲喺夜場飲大兩杯,隨手擸咗支啤酒樽,當頭爆落黑仔個頭,七情上面,好狼喎!#爆樽#Sa#黑仔 

貼圖區

夜場爆樽 阿 Sa秋生父女戀

Ads by Google

喺影壇打滾多年嘅黃秋生,咩片種、角色都試過,不過新作《大茶飯》就有新嘗試,同「春代」(《紅 Van》語,青春一代呀!)黃又南加阿 Sa蔡卓妍玩三角戀; 53歲秋生同 31歲阿 Sa上演一場有愛冇性嘅父女戀添!

 

有份參展下月釜山電影節的《大茶飯》,確係非一般黑幫電影,亦加插唔少港式懷舊橋。飾演黑社會大佬嘅秋生,出手打救就執得的茶餐廳,竟然對太子女阿 Sa產生感情;其中一幕,秋生帶阿 Sa到夜場見識,點知偏偏撞見死對頭黑仔姜皓文,飲大咗嘅阿 Sa勇字當頭,當場爆黑仔樽, man過秋生呀!


秋生、阿 Sa同又南上演嘅三角戀關係,唔知驚多定喜多呢?#三角戀 

爆完樽後,阿 Sa先至回魂知道自己闖鑊,最後要秋生呢位黑幫大佬擺平件事。 

因為秋生幫助阿 Sa打理茶餐廳,而令到雙方產生微妙感覺,不過兩個戲入面冇乜激情場面,呢一下挨身已經算係最親密。#忘年戀#秋生與阿 Sa#大 22年

又南話《大茶飯》係拍戲以來最多動作嘅一次,雖然好辛苦,不過秋生對佢有讚冇彈,仲叫佢唔好唱歌主力拍戲添!有影帝呢句說話,幾辛苦都抵番晒啦。 

又南喺戲中做秋生嘅頭馬,而秋生同黑仔兩幫發生打鬥後,又南仲被撞到嘔晒血,陰公豬囉。#又南#撞車 

撰文:娛樂組

全站熱搜

tvb4life 發表在 痞客邦 留言(0) 人氣()