雖然 Super Girls要扮南亞裔人士,但佢哋呢個單元係講一班酒廊歌手來港後思鄉,上演嗰陣,佢哋仲要搽黑個身,笑中有淚㗎! 

全知言

Super Girls落 club𥄫「姐姐」

Ads by Google

全知言唔係淨係識得睇電視睇電影,舞台劇都好關心。 11月 13日開始喺香港大會堂上演嘅舞台劇《 Musilove世人樂章》,演員全部都係青春歌手、演員,除咗洪卓立、陳嘉寶( Anjaylia),仲有 Super Girls同 Evelyn(蔡穎恩)等。全劇分為 7個單元,演員要一人分飾幾角,其中 Super Girls更要扮演南亞裔人士唱歌跳舞,唔知以為做緊《扮嘢王》!

 

Cheronna話為咗學南亞裔人士講中文,專登同 Aka去酒廊欣賞一班菲籍歌手表演,「最主要學佢哋嘅 body language、小動作,睇下佢哋唱歌期間係點樣同觀眾交流,點樣帶動現場氣氛,好正!」而 Jessica就積極操 fit,「最近我哋練跑之餘仲練埋 muscle,𠵱家摸下自己手臂都覺得幾硬。」為演舞台劇, Super Girls去到好盡喎!


Aka近排日日練舞,話咁易就擘到一字馬! 

Cheronna熱愛音樂,佢話最想挑戰《 Chicago》呢類音樂劇。 

馮允謙彈結他,其他人就跟住唱,好有維園「姐姐」 feel! 

《 Musilove》以音樂宣揚唔同類型嘅愛,呢幕陳嘉寶( Anjaylia)成班女仔唱完歌,會輕拍對方表示互相關懷同支持! 

tvb4life 發表在 痞客邦 留言(0) 人氣()