T.O.P將於本月 27及 28日在港出席《千》片首映及戲院見面會,預計到時會場一定被 V.I.P迫爆。 

韓飯台

守身 8年  T.O.P露出鳥

Ads by Google

《賭神》、《賭聖》都已經過晒氣,今時今日梗係要好似 BIGBANG成員 T.O.P(崔勝鉉)咁樣,做「千術之神」先夠霸氣!
《千術之神》講述 T.O.P飾演的咸大吉縱橫賭場,遇到挫折和失敗後努力翻身,成為「千術之神」的故事。對 V.I.P( BIGBANG對 fans稱呼)來講,劇情根本唔重要,最關心一定係 T.O.P出道 8年終於首次露肉,更有床戲添呀!連 BIGBANG隊長 G-Dragon睇完《千術之神》都同 T.O.P講:「哥,像瘋子一樣的魅力,在電影中表現出來了。」 T.O.P的大膽演出果然有回報。

1.點解今次 T.O.P只係露上身都引起咁大迴響?

因為被封 BIGBANG最靚仔成員嘅 T.O.P,中學時期其實係癡肥少男,後經瘋狂節食減肥先甩掉 44磅。所以 T.O.P習慣對自己的身材冇咩自信,出道 8年一直着得密密實實,甚至被 V.I.P們改花名叫「崔三件」,全因佢脫咗面嗰件,都仲有 2件上衣打底。𠵱家突然露出,身材仲要正到咁,難怪會嚇親所有 V.I.P。


睇番 T.O.P以前中學時間的學生相,邊估到佢今日變到成個 model咁? 

T.O.P講到自己脫上衣拍攝時的趣事,「男演員都脫了上衣打花牌,自己好唔習慣呢啲場面,就算不是在拍攝期間,都尷尬到不能望對方的眼睛。加上,女生也一起在現場拍攝,雙眼更加唔知可以望邊度。」 

2.《千術之神》除了 T.O.P露肉,仲有咩睇頭?

《千術之神》中, T.O.P與申世景和李荷妮的三角關係是全城熱話。 T.O.P在戲中與 2人都有吻戲甚至床戲,在《千術之神》記者會上提到他同一天拍了 9個小時的吻戲。 T.O.P仲話第 2日起身發現咀唇變得好厚,就知佢同 2位女演員都拍得好肉緊!


T.O.P同申世景拍對手戲, T.O.P露出倒三角背肌。 

T.O.P接受韓媒訪問時話:「跟李荷妮拍吻戲很緊張,仲話曾經與電影的主角大吉一樣,對喜歡的女孩子表現得很積極。但現在的自己變得沒這麼容易對別人產生好感了」。不過佢就冇好似大吉咁同時間和 2個女生拍拖喎! 

3.為咗成為「千術之神」 T.O.P做咗咩準備工夫?


T.O.P拍攝《千術之神》時,試過有一場打花牌的戲 NG了 40次,但最後被剪走咗。 

T.O.P拍《千術之神》之前完全唔識打花牌,他花了 2至 3個月時間在電影公司裡閉關,每日接受魔術師 5-6小時特訓。

4. T.O.P跟 BIGBANG在台上總是表現嚴肅,現實中 T.O.P又係唔係咁 cool?聽講佢拍《千》片時就經常搞笑。


T.O.P在《千術之神》的記者會上被問「世上最不能失去的東西是甚麼」, T.O.P答:「家人」。點知台下的粉絲一直起哄, T.O.P就話:「粉絲當然是不能失去,但我是(把你們)放在心裡,這些事為甚麼一定要說出來才知道?」之後仲撒嬌地揮動了一下拳頭話:「傻瓜們!」唔使多講,大家尖叫啦! 

其實 T.O.P非常玩得,又鍾意搞笑,接受韓媒訪問時,總會搞下 gag,引大家笑。拍攝空檔, T.O.P會跟演員們開玩笑,有時又會自己傻笑,難怪《千術之神》的演員一致認為:「 T.O.P看外表像很老練,但其實很愛開玩笑和有點兒傻氣。」

5.《千術之神》喺韓國有幾掂?


T.O.P喺記者會上話過票房如果超過 500萬名的話,就會吻 50名女性觀眾的額頭;女主角申世景就話會吻 70名男性觀眾的額頭喎! Fans要洗乾淨面珠喇! 

《千術之神》創了韓國 19禁電影最快突破 200萬入場人次大關的紀錄。開畫 12日,《千術之神》的入場人次更突破 300萬。雖然《千術之神》雖然被列為三級片,但無阻票房,就知 T.O.P魅力驚人啦!

BIGBANG幾時 comeback?

BIGBANG喺 2012年發表過迷你專輯《 ALIVE》後, V.I.P等到頸都長,都一直等唔到 BIGBANG回歸。不過, T.O.P就話預計 BIGBANG會在今年回歸。 V.I.P們一心以為終於等到喇,點知 BIGBANG的勝利在 9月初發生車禍,更接受警方調查,事後一直沒有現身。 YG亦話勝利將不會出席 9月 27日舉行的「 V.I.P Gathering In南京」。睇嚟 BIGBANG的回歸日可能要到 2015先可以實現。


T.O.P接受訪問時,都話好想今年 BIGBANG能夠回歸,仲講笑咁話:「為咗搵食,點都會回歸嘅!」 T.O.P好真心喎! 

勝利於 9月 12日凌晨發生車禍,傷及肝臟。韓國警方表示勝利並非醉酒駕駛,但還要繼續調查勝利當時是不是超速駕駛。 SBS的《深夜 TV演藝》日前( 17日)公開了勝利車禍的目擊者的採訪,目擊者話:「勝利當時車速好快,還以為年輕人在賽車。」雖然勝利身體無咩大礙,但因為警方介入調查,相信勝利要低調一排。 

撰文:楊凱欣

全站熱搜

tvb4life 發表在 痞客邦 留言(0) 人氣()