有玄機

嫁個好老公

Ads by Google

現代女性搏還搏,最終都想嫁個好男人。若然嫁咗俾全城炮轟的新一代賤男周永恒,不忠兼打老婆,就慘。玄學家吳佩孚教路「好老公,有樣睇」,睇清楚身邊嗰個有冇好老公特徵,才 Say yes都未遲!

 

近日,周永恒不忠、打老婆的新聞,日日新鮮,形象插水,成為新一代賤男。


眉毛清又長 專一又顧家

眉長夠清,深色有彩的男人,被視為好老公,重感情,不但愛惜妻兒,亦會照顧女家,愛屋及烏。相反,眉頭有毛但尾散的人,表示不專一,容易見異思遷。
參考例子:黎耀祥

眼神正帶笑意 慈祥好爸爸

眼神太兇,或對子女、妻子過分嚴苛。眼神要正,又要定,才夠正氣,是好男人。最好眼神兼帶笑意,較慈祥、寬容,對子女一流。
參考例子:甄子丹、周潤發、郭晉安

耳貼面有耳珠 愛家庭

耳朵為五官最早成形的部分。從正面看,耳朵貼面,兼有耳珠,個性孝順,黐家、愛家庭。耳朵厚大代表脾氣好,會儲錢,晚年運勢很好,有福氣,而且懂得照顧小孩老婆。
參考例子:陳豪

鼻高且直 有錢又有勢

女命以鼻為夫,男人都一樣。鼻高又挺拔,準頭有肉,另一半相貌都標致。鼻翼有肉的話,更可旺妻。不過鼻頭太有肉如成龍,財勢好強,容易娶多妻,但都顧家。相反,鼻曲兼冇肉,花心易不忠。
參考例子:森美

嘴唇四正緊合 有責任感

兩唇整齊,唇色紅潤,最緊要雙唇能緊合無縫,表示有口齒講信用,兼有責任心。相反,雙唇合唔埋,表示性思想開放,若然兩門牙之間有隙,代表「門常開」,唔黐家。
參考例子:劉德華

 

吳佩孚師傅曾為多間上市公司(如和記傳訊、恒基地產)之玄學顧問。 16歲開始批命, 19歲授徒講學。


撰文:吳佩孚
部分圖片:《蘋果日報》

    全站熱搜

    tvb4life 發表在 痞客邦 留言(0) 人氣()