梁慧恩開刀 誕「暴風女神」

已故「百億工廈大王」楊耀松外孫林忠澤太太梁慧恩(Viann)於前日凌晨八號風球下,剖腹誕下七磅小女兒Bethel,比原定預產期早出世,母女平安!Viann受訪時笑指BB女是「暴風女神」,生產過程相當驚險,因Viann的身體狀況,半身麻醉屢不成功,令Viann捱開刀之痛,才能讓Bethel成功「亮相」!

Ads by Google


梁慧恩忍受劇痛為林忠澤誕下「暴風女神」,並決定把囡囡取名為Bethel。

曾拍過電影《得閒飲茶》、主持過不少節目的Viann於2012年與林忠澤結婚,去年成功懷孕,預產期原定為今年9月27日,但前日凌晨八號風球海鷗正吹襲之際,「暴風女神」突要提前出世,令兩夫婦有些措手不及,林忠澤表示:「好彩我哋都預先執定啲嘢,但始終橫風橫雨會有啲狼狽。」

食錯嘢又屙又嘔

Viann昨接受訪問亦笑言在風雨下誕B很難忘,而生產過程亦相當「驚險」,她謂:「可能我之前食錯嘢,又屙又嘔,我擔心影響BB,所以想快啲生佢出嚟,而我本來喺半身麻醉,但因為我之前工作曾經傷過背,有啲碎骨,令到麻醉藥未能深入用到,開刀時痛到大叫,最後轉咗全身麻醉,先可以繼續手術。(會餵人奶嗎?)會,但依家仲未能夠成功餵到,我會繼續努力。」


現正在醫院休養的梁慧恩希望給B女餵人奶。

喜獲可愛B女的林忠澤表示會錫晒老婆。

Viann過了一關又一關,為林家添一成員,問林忠澤會怎樣獎勵Viann?他笑言:「梗係錫晒佢啦!」

文:影視組

tvb4life 發表在 痞客邦 留言(0) 人氣()