Maggie話狗狗絕對意識到散步地點的分別,去到歐洲大草地、雪地,笑得特別燦爛。 

寵物家

狗狗也歐遊

Ads by Google

如果有一日,可以帶住我家狗狗搭地鐵,上餐廳食飯,去商場 shopping,到任何一個公園草地狂奔……
身在香港,想出現以上情節,一係你嗰隻係導盲犬,一係你發緊夢。
不過喺歐洲,就有機會願望成真,唔只住酒店唔使額外收費,餐廳大廚甚至會送狗餅俾狗狗食。香港人 Maggie帶着兩隻寶貝狗狗肥寶和細寶「孖寶」勇闖歐洲 13天,環遊法國巴黎、普羅旺斯、意大利比薩、瑞士山區等,受到萬千寵愛的禮待。 Maggie更將是次旅程結集成《孖寶走過浮華大地》一書,版稅會捐去 NPV幫助動物。 Maggie希望香港人知道,人和動物其實可以共享地球。

 

壹:為何會帶兩隻小狗去旅行?牠們的開支大嗎?
M:我和老公都很喜歡旅行,總想如果孖寶能跟我們一起出發就好了。幾年前在 blog上看到有人帶狗狗到加拿大度假,發覺原來這不是天方夜譚,於是 09年時帶了牠們去日本。上年想再去,但日本的天氣不大適合,就轉去歐洲。初初擔心狗狗坐長途機會辛苦,幸好都順利完成。一隻狗狗大約用五千元,主要是買機票,其餘使費近乎零。


巴黎鐵塔、比薩斜塔係必到打卡之地,不過孖寶鍾意凡爾賽宮後花園多啲。 

 

壹:帶狗狗去日本跟歐洲有分別嗎?
M:檢疫的程序日本較嚴,要三年內打兩支瘋狗症針,還要帶齊近期的驗血報告等。而歐洲只須在出發前一個月帶齊針卡、狗牌等到漁護處申請證明即可。日本人對動物不錯,但餐廳、景點大多不能帶狗,歐洲就真正是動物天堂!不論交通工具、酒店、商店、餐廳,對動物都無任歡迎,我每次戰戰兢兢問可否帶狗內進時,職員總是奇怪地反問 why not,對於我這個在香港帶狗出街被歧視慣的人,真是受寵若驚。歐洲人養狗可能較崇尚天然,狗狗一般沒有造型,香港的狗狗尤其 poodle都會剪到圓碌碌,當地人一見到孖寶都大呼可愛,要求合照。


外國人都有養 Poodle,不過髮型一團糟,唔怪得孖寶去到搶晒鏡。 

Maggie話外國人要求合照前一定會有禮貌問準,反而遇過兩個強國人,問都唔問就夾硬拉孖寶合照,嬲爆。 

 

壹:帶狗狗去旅行要準備什麼?
M:除了以上的檢疫程序外,一定要為狗狗準備一個坐飛機的籠,尺寸、重量、物料、裝嵌都有嚴格規定,否則不能上機,而且要預先訓練狗狗入籠逗留。另要帶備食開的乾糧、尿片、毛梳、狗帶、沖涼液、洗耳水等日常用品,外地未必有得賣,而且一定要先搵定當地獸醫院地址。我計劃行程時亦考慮狗狗喜歡大草地、花園, check point如巴黎鐵塔、比薩斜塔影完相就即走,反而普羅旺斯這些鄉郊地方會留耐啲。


狗狗都入得 LV?店員仲親切到拿來清水俾孖寶,「人憑狗貴」連 Maggie都有果汁飲。 

孖寶的戰利品, LV狗帶兩條,仲有刻名! 

唔歡迎剪尾狗?

由香港前往歐洲,狗狗只須在出發前一個月帶齊狗牌、針卡、狂犬病防疫注射證明及抗體血液報告正本,到漁護署申請特別許可證及居留豁免書。如旅程中會經過歐盟地區,只需遞交漁護署獸醫簽署的動物健康證明書即可。注意瑞士不大歡迎剪耳及剪尾動物入境,原因是不鼓勵飼主為求狗狗可愛而犧牲牠們的福祉。而由香港飛歐洲,寵物可當大型行李處理,非常方便,但回程就需要安排託運公司。


撰文:吳韻菁
攝影:梁炳權

創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()