今次去東京租用咗 DOCOMO嘅 4G LTE pocket Wi-Fi,最高下載速度 75Mbps,電量續航 10至 12個鐘,最多可接駁 10部 devices,先至日租$70,算抵用。 

ILIKE

愈租愈方便

Ads by Google

經常要出 trip公幹,唔想錯失香港資訊,又要回覆大量 email同 WhatsApp,手機上網功能,尤其重要。租部流動 pocket Wi-Fi傍身,可以話係「例行公事」。

 


@廖宏俊 

以前,租 pocket Wi-Fi都幾煩,次次都要親自借、親自還,限時限刻,好困身。不過, iNet推出咗更方便嘅租機服務,只要 7日或之前預約好,就可以喺全港超過 350間 7-11、 OK便利店或順豐速運授權服務站攞機(雖然仍要親自去 iNet還機,但可交由速遞代辦),而且星期日或公眾假期都攞得,簡直方便到暈。

唔係得渣馬

呢期港人最常去嘅除咗 Apple網站,之後就應該輪到渣打馬拉松網。呢個一年一度盛事,並唔係咁多跑友鍾意,尤其係參加過外國跑賽嘅人,對渣馬路線、大會規限(連自發嚟派嘢食打氣嘅有心人都趕?)就更不滿。老實講,我自己就當去跑道見吓跑友,兼夾操多次長課,所以都冇乜投訴。就算報唔到名,講真香港仲有好多好玩賽事,好似十一月頭大嶼山嘅 2 Peaks( 5至 21km),同埋分開三站嘅斜路王( 10至 14km),雖然路線夾雜住山路,仲要上好多斜,但風景勁靚,報名亦唔使爭,不妨搵條路線試試。


消防隊「火星人」黃浩聰呢排狀態大勇,連攞幾個山賽冠軍。據講將會全力出擊 2 Peaks爭冠,真係等住睇聰哥表演。 

@周群雄 

睇發布會

上星期全人類等睇 iPhone 6發布會,我就興趣唔大,乜料都俾大陸爆晒,新鮮感減到零!我期待另一個發布會多啲,係 9月 16號 Nike嘅 LeBron 12波鞋發布會,呢篇稿出街之時已經知對鞋係點,但係我而家就只得網上零零碎碎嘅料,話晒上一代隻鞋勁唔掂,連占士本人都唔願著落場打波,加上呢排 Nike犯太歲,連代言人都俾人撬(雖然最後出高價保得住),諗住捧 Paul George又斷腳,可唔可以用新鞋挽回聲勢,睇呢鋪喇!


傳聞新鞋有呢對橙色版本,食正我愛橙色嘅喜好。 

@潘健文 

二千八蚊一套 HUD

近排成日喺啲科技網站社交網站見到「 Navdy」個廣告, Navdy係乜? Navdy係一套汽車用外加 HUD( head up display,抬頭式顯示)系統,將佢放喺司機位前、錶板位上面,連接手機( iOS同 Android都得),就可以將大部分附帶有 notification功能嘅 apps資料,投射喺部機個屏幕上面,等你唔使攞起部手機,覆呢樣覆嗰樣,減低炒車機會。推廣期內特價 299美金( 6折優惠),送嚟香港加 30蚊(美金)。睇落好似好正,計落好似好平,不過,要到 2015年先至付運(錢就即時過數)。


解剖圖所見,好鬼簡單,感覺流流哋! Navdy自己話推出首星期已經有成球美金嘅預訂。你自己話啫。 

條宣傳片無端端將部 Ford Mondeo「升格」變咗部 Bentley(用 CG換咗個章),有保留兼有古怪! 

@劉定邦

全站熱搜

tvb4life 發表在 痞客邦 留言(0) 人氣()