石天欣在無綫的人工連最低工資都不夠,她主動要求解約,另謀出路。 

探熱針

騷錢少過最低工資 石天欣:勞工處出面唔成功!

Ads by Google

大地震!有指將會裁減三分一幕後員工的無綫,又向幕前藝人埋手,無理減騷凍薪。一班多年來被搓圓㩒扁的藝員如高鈞賢、劉威煌及楊洛婷等不再死忍,寧願離巢外闖;十六歲入無綫,訓練班出身,經常要演出被姦角色,以致情緒出現問題的石天欣,亦不再坐以待斃,主動跟公司解約。
曾經一個月開工三十日,卻只獲計三個騷錢的石天欣,試過連最低工資都冇。據了解,就無綫騷錢不達最低工資標準問題,勞工處曾一度介入,但也於事無補。過去數年,石天欣要匿埋做電話調查、企街做宣傳女郎,才夠錢生活。

 

 


自從在《仁心解碼 II》飾演被強姦的角色後,石天欣連環在劇集中「被姦」,令她出現情緒問題。 

不是被姦,就是演床戲,難怪石天欣感覺難受。 

做兼職企街

石天欣先後在《仁心解碼Ⅱ》、《巨輪》及未出街的《再戰明天》被姦,連環演出慘角,令她情緒大受刺激,影響皮膚出現問題,三年來中西醫睇勻,依然未有完全好轉。
「我都有問過編劇、監製點解強姦戲先搵我,但佢哋話唔係故意,只係個故事寫落去,我個角色發展成俾人強姦。頭一年仲可以接受,到第二年,不斷咁做慘角,搞到好 depress!」石天欣說。可以為錄影《換樂無窮》一口氣背三頁紙對白,同時在另一個錄影廠做路人甲零對白,由第二女主角被派做咖喱啡,石天欣開始懷疑自己的存在價值,隨住公司的忽熱忽冷,情緒變得忽高忽低,人愈做愈瘦。
據了解,令石天欣下決心離開是經濟問題。自一○年六千蚊月薪開始,做到爆騷也只有一萬蚊一個月,她要打多一份工,才夠生活。出道第二年,她試過為公益金慈善騷排舞一個月,每日跳足八小時,但騷錢只計當日節目出街三小時。一騷一千元,實質開工二百四十小時的她只得三千元落袋,連最低工資都未有。
「大家都知 TVB人工唔高,要生活,就要搵 part time;呢四年,我做電話訪問員,唔使開工就返 office匿埋喺個窿打電話,近排又幫啲公司喺街頭做 promotion girl。(公司有好多人都未到最低工資?)其實都係,我知道四年前有勞工處搵過某啲同事傾偈,但最後都唔成功。啲騷錢連最低工資都達唔到,我有同公司反映過加人工,但佢哋只係叫我搵多份 part time。」石天欣說。


石天欣在《換樂無窮》佔戲不少,不但與胡杏兒大演對手戲,更獲安排出席宣傳活動,算是曾被重視。 

石天欣身材樣貌不錯,又勝在年輕,離開無綫不愁出路。 

為幫補收入,早前石天欣為泰國旅遊局擔任宣傳小姐,企足八粒鐘做人肉宣傳板。

在健康講座做模特兒示範動作,成為石天欣賺外快機會。 

石天欣現已簽約 Barbie的經理人公司旗下,希望有更好的發展。 

摸上行政部追數

人工低不在講,縮骨的無綫經常計騷不足,有些藝員甚至在離職多年後,才追回騷錢。
「第一年公司已經計少我六個騷,對其他人可能好小數目,但對我嚟講唔少錢,六個騷錢夠我幾個月車費。」為了討回騷錢,石天欣不惜摸上行政部,力爭到底。
一二年拍《仁心解碼Ⅱ》演出被姦戲,導致脊椎移位,因為石天欣未有即時發現而錯過申請工傷;翌年劇集出街,她將劇照放上微博,竟惹來公司怪責。
「因為我第二日先知自己傷咗去睇醫生,所以公司唔受理,個劇出街我講番自己受傷,其實都係做宣傳,點知經理人打電話嚟唔係關心我,而係問我點解將啲劇照放微博,我話其他 artist都係咁,但佢話成間公司只係得我一個,我真係唔識答佢。」
在無綫四年多,離開前也只有一萬蚊月薪的石天欣,也有考慮過退出到外國讀書。
「我簽埋 Barbie(夏尉喻)同一間經理人公司,而家咩都會試,總之睇吓出面有咩機會。」得廿一歲,石天欣仲有時間,放手一搏。

走得就走

在無綫五年冇乜發展的劉威煌決定不再續約,而做足八年主持的楊洛婷,近日更被震出局,冇得留低。




撰文、攝影:娛樂組

    全站熱搜

    tvb4life 發表在 痞客邦 留言(0) 人氣()