小龍女年齡:約 4至 5歲品種:唐狗現在小龍女已經回復健康了, Charles經常會帶牠到住處附近草地散步。 

Petbook

小龍女與楊過

Ads by Google

早前港鐵漠視唐狗未雪生命,引起社會極大迴響,其實愛護生命,真的人人有責。在一次郊遊過程中, Charles救獲了生命危在旦夕的唐狗小龍女,但他錯過了收養小龍女的同伴楊過的機會。
為了令兩位好友重逢, Charles現正盡力找回楊過,希望帶牠回家,為這個故事編寫 BBQ式 happy ending。

 

元朗錦田一帶出名多流浪狗出沒, Charles最近在這裏收養了小龍女。採訪當日,他帶着小龍女回到初相遇的地方散步,「當時仲有另一隻唐狗楊過,守護住受傷嘅小龍女,但我見佢當時冇受傷,所以冇救到佢,事後先嚟後悔,𠵱家我一有時間,就會帶小龍女嚟呢頭搵佢。」
Charles在假日喜歡駕車到鄉郊,帶狗狗行山。 2個半月前,正當他於錦田散步完畢,打算駕車回程時,看到有一對唐狗,匿在自己的車底,「我即刻拉住自己啲狗,再引佢哋走出車底。隨後我拎狗零食畀佢哋食,但只有一隻肯食,另一隻好似冇乜精神咁,淨係肯飲水,我惟有放底食物畀佢哋,之後揸車離開。點知冇乜精神嗰隻狗突然起身,想跟我上車,當時我車上有其他狗,只好趕佢走。」
回到家後, Charles念念不忘,決定立即回到原處,「雖然唔知嗰隻狗係咪有事,但覺得佢想我救佢,我同太太商量後,就返去睇吓隻狗喺唔喺度,仲打算帶佢睇獸醫。」


Charles不時會帶同小龍女到雷公田的山路,尋找楊過的蹤跡。 

現時 Charles家中共有 7隻狗,每當餵飼時,牠們都會一湧而上,小龍女也不例外。 

小龍女的傷口現已癒合,行動亦沒有受到影響。

腐肉味


Charles指小龍女很乖巧,不用教也會自己跳上車。 

Charles駕車回到原處,並看到精神較佳的唐狗正在守候另一隻狗,「我行埋去,聞到好大陣腐肉味,發現唔肯食嘢嗰隻狗嘅前左腳,有一處好大嘅傷口,我即時 call朋友嚟一齊送佢去睇獸醫。」
原本 Charles打算醫好牠後,把牠帶回山上,但獸醫說牠的病情嚴重,需留院觀察,「醫生喺佢傷口度,拑咗約 1萬條寄生蟲出嚟,如果遲多幾日醫,成隻腳可能會因受感染而終身殘廢,甚至死亡。住院 1星期後,佢情況已經穩定,可以出院,但每日要返診所洗傷口,我惟有暫時帶佢返屋企,點知同佢產生咗感情,最後決定收養埋佢,幫佢改咗個名叫小龍女。」

很乖巧

Charles指小龍女很乖巧,不像一般野狗,「估計佢以前俾人養開,先會咁聽話,佢去大小便都唔使教,行街又唔會搶繩,就連上落車都識得自己嚟,真係好乖。」
有小龍女自然會有楊過, Charles把另一隻守護小龍女的狗改名做楊過,並希望有一天把牠找回,「有幾次帶小龍女返去嗰度搵楊過,佢突然跑前,好似發現到啲嘢咁,以為佢聞到楊過陣味,搵得番佢,點知白高興一場。𠵱家每次見到有人喺度行山或踩單車都會問佢哋有冇見過楊過,希望佢哋可以盡快重逢。」

尋楊過

如果大家在錦田雷公田的山路一帶,有看到一隻跟小龍女樣子相若的黑色雄性唐狗,可以聯絡 Charles 9198 1075。


撰文:何倬然
攝影:羅巧怡

    全站熱搜

    tvb4life 發表在 痞客邦 留言(0) 人氣()