U撈

騎呢溫+嘉寶

Ads by Google

聽到「溫嘉寶」這 3個字,你一定聯想到前國務院總理的名字吧!其實「溫嘉寶」是由兩名女生阿溫和嘉寶取其名所創立的品牌名字,賣的東西沒有涉及政治,只是引人發笑的小清新騎呢風手作產品。去年開始,她們的產品更受到台灣年輕人的青睞,真正揚威海外。

 

「溫嘉寶」是阿溫和嘉寶合辦的品牌,專賣環保袋、明信片、貼紙和八達通貼等產品,售價由$15至$200不等。採訪當日,她們回到理大開會,並示範用絲網印刷環保袋,嘉寶說:「我哋鍾意親力親為,好似環保袋,我印好圖案後,就交畀阿溫拎返屋企縫製。」
早在 4年前, 2人已有創業的念頭,由於同是讀設計出身,便想運用自己的專長自創品牌,「我同阿溫喺讀設計系高級文憑時認識,大家畫畫風格差唔多,就決定走小清新騎呢風路線,希望輕輕鬆鬆引人發笑。」
10年,她們在 facebook開設專頁,讓客人訂貨,並且小試牛刀報名參加 JCCAC的手作市集,可惜反應並不理想,「當時我哋喺國內入環保袋,之後再用塑膠顏料喺環保袋上面畫圖案,我哋每個賣$70至$100,同其他檔定價差唔多,但質量差好遠,結果整日只賣出幾個。」



嘉寶  24歲 理工大學視覺傳意系 Yr.3 

請教人

為了提升產品質量,她們四出尋找更好的製作方法,「我哋上網睇其他人點整,但毫無頭緒。惟有厚住面皮問之前喺 JCCAC市集擺過檔嘅人,請教佢哋製作方法。初時以為佢哋唔肯教,點知佢哋好好人,好詳細咁教我哋設計完圖案後,喺國內搵廠整絲網,每個約花 50人民幣,然後再用顏料印啲圖案上環保袋就 ok。」
去年暑假,嘉寶和阿溫更到台灣參加手作市集,「除環保袋外,我哋仲設計咗唔同類型嘅產品,包括 tee、紋身貼紙、小布袋、筆記簿及明信片等。我哋喺香港參加咗 2個手作市集後,見銷情唔錯,好受年輕人歡迎,阿溫當時又將會去台灣旅行,咪順路報名參加台北嘅『西門紅樓創意市集』囉,反應仲好好添, 1日已經賣出一半產品。」

即睇絲網印刷

絲網印刷的原理是把顏料倒在網板上的孔,然後進行印刷。這門印刷技術可應用於五金、塑膠、布疋及紙張印刷等。採訪當日,阿溫和嘉寶即席示範絲網印刷,睇落有板有眼。



1.先把空白的環保袋放在絲網的底部,然後塗上絲網印刷用的顏料。 

2.用木掃把顏料掃至均勻。 

完成山形圖案袋$130 

被睇中

今年,她們已參加了 Afternoon Market、 JCCAC、台中手_手市集及台北 Simple Market等 10個手作市集,加上網上訂購,各人每月約有$3,000至$5,000收入,對她們而言算是合格,「我哋今年都有再去台灣擺賣,仲俾網上購物平台『 Pinkoi』睇中,放我哋嘅產品上去賣去台灣。」
嘉寶坦言不會把「溫嘉寶」視為正職,只當作興趣,將來會找一份 graphic design的工作,「我會將平日開心同唔開心嘅嘢發洩晒喺『溫嘉寶』嘅產品入面,唔想太商業化,而限制咗我同阿溫設計嘅念頭。」


好假的肥仔阿洪袋$168 

永不後悔紋身貼紙$50 

公主裙阿英(八達通貼)$30 

憤世嫉俗的阿標卡(戀愛卡)$20 

點參加台灣市集?

西門紅樓創意市集、手_手和 Simple Market等台灣知名手作市集,每星期都會開放給有興趣人士報名參加。只要在各市集的網頁填寫品牌資料,並附上作品簡介及照片,之後會公布該次市集的入選名單,入選單位需付每日 700至 1,200新台幣(約$185至$310)的攤位租金。

西門紅樓創意市集
http://www.redhouse.org.tw/Content/PublicContent.aspx?id=4245&subid=6143 
手_手 facebook:手_手

Simple Market
http://tw.streetvoice.com/SimpleMarket/articles/869422/ 


撰文:何倬然
攝影:彭自維

tvb4life 發表在 痞客邦 留言(0) 人氣()