香炸虎蝦配酸子汁$228虎蝦手掌咁大,絕炒所在是個酸子汁,甜甜酸酸上配炒蒜粒,中段飽飽地都即時 cheer up! 

潮𡃁便當

摩登泰菜

Ads by Google

集甜酸辣味在一身的泰菜, 10個朋友 9個鍾意食,唯一係嫌地方嗱喳,泰菜今期走 Greyhound式摩登格,環境或舒服或型格,菜式亦結合新舊,有泰北菜 Soi 18大膽以和牛、海鮮入饌,到泰巷、 so thai so good等小試牛刀玩[!895D]蔭公意粉同泰式漢堡包,仲玩埋試管落汁得意,新嘢未必一定好,勝在要你試一轉!

Cheer up酸甜炸蝦

泰國菜就食得多,位於銅鑼灣世貿的 Soi 18,就加入泰北菜元素,泰北地區因物質不算豐富,以糯米為主食,所以餐廳保留以糯米飯代替白米飯、發酵糯米飯醃肉等泰北傳統風味。不少菜式如香炸虎蝦,更特別加入泰國酸子( Tamarind)做汁,酸子味道酸中帶甜,屬醒胃嗰批,又如泰式必試的冬蔭公,呢度亦唔用椰奶,改而用上酸子及辣椒膏,清湯咁款一般偏偏火辣過人。話明係摩登泰菜,泰北特式之外,肉類大膽用上石斑、鹿兒島和牛、炒蟹等泰菜沒有的元素,也暗插金不換墨汁意粉、軟殼蟹意粉等菜式,有啲西西哋(唔係講粗口)先係摩登泰菜真諦!順帶一題,最近餐廳晚市頗爆,有心記得先訂位。


泰東北 Nheam炸豬軟骨$108Nheam是指豬軟骨經蒸糯米飯醃製後那股獨有酸味,包成生菜包咁款放入花生、辣椒仔、洋蔥粒等配料更正! 

泰北冬蔭雞湯$60除了雞之外,亦可選石斑,有別一般冬蔭公並不是橙色,湯身不加椰汁及青檸,望落冇乜嘢,原來辣到會食人。 

泰北燒牛扒青木瓜沙律配糯米飯$188少見配搭半生熟的鹿兒島和牛,還有塞飽你個肚至上的糯米飯,蘸個辣汁,異常咁好味。 

香辣豬頸肉沙律$128豬頸肉以辣椒粉、炒糯米粉調味,就咁食得,包生菜食亦得。 

食客  Whitney& Jenny 美容

之前兩次想嚟 dinner都太多人,今次 lunch嚟試,食咗金邊粉、咖喱,唔錯!

Soi 18

銅鑼灣世貿中心 1302B  2895 1312
營業時間: 12nn-3pm;6pm-11:30pm
facebook: Soi 18

泰式 Cafe玩試管

醒目鋪面、牆上書架書本裝飾、盡頭兩張高枱放有綠色植物,與木調裝修好搭調,營造輕鬆 relax的 cafe格局。天藍及白色間條 menu之內,是泰菜結合西菜的表達方法,如脆炸魚崧配沙律生菜、冬蔭公配意大利粉、豬手配泰式辣醬、梳乎厘配龍蝦醬等。除了à la carte menu,這兒早餐 menu提供炒蛋、薯餅、肉腸等,感覺有點 all day breakfast。下午茶的 high tea set,以靚靚兩層層架 present,有 8款的的骰骰小吃如泰式脆炸蝦餅、豬肉沙嗲串、香芒拿破崙等,好一個英泰下午茶!


脆香魚崧配芒果沙律醬$55魚崧酥脆,配試管式芒果汁、沙律菜當堂醒神。 

青咖喱雞肉薄餅$60青咖喱入口先甜後辣,配薄餅一絕。 

香芒拿破崙$48走 cafe格局,所以連甜品都有得食,清甜呂宋芒及自家製酥皮, yummy! 

冬蔭海鮮意大利麵$85意粉加入忌廉做冬蔭公汁,入口帶 creamy,辣勁溫和。 

食客  Kayley 文職

呢度環境好舒服,又可以食泰菜又有甜品,選擇夠多。

so thai so good

大埔超級城 B區 2樓 202號鋪  2667 1555
營業時間: 10am-10pm
facebook: sothaisogood


即變香冬蔭公

位於荃新天地 1期地下層,一入門幾個木盒,鐵絲網、工字磚牆與吊燈,帶點型格,唔講唔知食泰菜,嚴格來說,是西菜結合泰菜,早午晚 menu除了木瓜沙律,泰式湯河、冬蔭公、串燒、烏頭魚等泰系元素,更有通粉、全日早餐、意粉、 pizza等, menu大路親民,一班人去到唔會有意見。下午茶時段開始,更有啤酒沙冰與小食拼盤提供,啤酒有兩款選擇,小食有齊魚餅生菜包雞翼扎肉,也不超過 180蚊,價錢係 ok嘅。


泰北酸咖喱海鮮香草蛋角$42用泰國菜常用的臭草加入蛋角之內,即時變香。 

沙嗲牛肉串$28牛肉焦香十足,食起無痴牙。 

Thai漢堡三兄弟$42(下午茶供應)有齊煙三文魚、芝士牛肉以及最泰式的紅蝦蛋,一式 3款抵食到笑。

泰棒鮮蟹肉炸球$68腐皮內啖啖蟹肉,純正皮薄餡靚。 

1664 Blanc$42On top沙冰以同款啤酒打成,首尾呼應。 

食客  Yoyo& Nate 銀行

見裝修唔錯又鍾意泰國嘢所以入嚟,海南雞飯同香茅豬扒飯好味!

泰巷 Grand Avenue

荃灣荃新天地 1期 G23號鋪  2403 1033
營業時間: 7am-10pm

What's more...

最後,同大家再挑選多兩度泰食好地方,無論咁啱落入一家人要食乜嘅困局,抑或一個人的浪漫唔想得罪自己肚皮都 ok!

入秋龍蝦包

銅鑼灣泰國餐廳 Mango Tree由即日起到 11月底推出全新泰菜,以秋天必食生猛波士頓龍蝦入饌,菜式多達 7款如龍蝦柚子沙律、燒龍蝦、龍蝦河粉等,中秋後補團圓飯豪一次咁多啦!


龍蝦柚子沙律$168龍蝦鮮甜與柚子相得益彰,亦變得矜貴。 

冬蔭龍蝦湯$198用上辣度十足的厚眼辣椒,不加椰奶忌廉夠正宗。 

Mango Tree

銅鑼灣開平道 1號 Cubus 5樓  2577 0828
供應時間: 6pm-11pm
facebook: Mango Tree

One man band泰式潮包


金不換魚餅割包$38 

定期都推出新味的灣仔割包專門店 Bao Wow, 9月份推出限定金不換魚餅,以泰式香料金不換、香茅、青檸、紅咖喱等配香煎魚柳,口痕痕 take away食轉潮包,唔使火腩飯都浪漫。

Bao Wow

灣仔大王東街 28號 2號店  2528 9505
營業時間: 12nn-9pm
facebook: BawWowHK
instagram: BaoWowHK


撰文:梁智欣
攝影:葉曉明、羅巧怡、陳嘉元

tvb4life 發表在 痞客邦 留言(0) 人氣()