Webber

真我阿花

Ads by Google

網絡世界還未入侵手機時,寫 blog絕對是你和我的集體回憶。到近年,人人變成低頭族,在「有圖有真相的年代」,會看文字的人已少之有少,圖片、影片勝於一切。今期 webber阿花最喜歡亦是最擅長的正是化妝,不論是用甚麼形式:寫字、影相、拍片也好,阿花一直以來都只想簡簡單單與人分享。不過科技發展一日千里,阿花在網絡世界亦面對過不少指責,但佢仍然想保留自己「真我」的一面。

Webber's Profile

YouTube作品總數:接近 90
YouTube Channels: A H F A M A K E U P( Subscriber: 7萬 7千)
facebook page: ahFa* more& more( Like: 1萬 9千)
Instagram: ahfavslife( Followers: 4萬 3千)

點解會由寫 blog轉去拍片擺上 YouTube?

我寫 blog前係未學化妝,所以就睇下人哋啲 blog,學點樣化妝,睇睇下我自己又想分享,於是就寫埋一份喇!寫寫下 blog有品牌搞比賽,係要拍一段喺 3分鐘內鬥快化妝嘅短片,就係咁開始咗我第一條 beauty video!我覺得拍片互動好多,多人睇之餘亦多啲反應,但難在剪接同講嘢係我弱項。
〈萬聖節外國風娃娃鬼妝示範'halloween doll makeup tutorial〉係阿花 YouTube Channels最受歡迎的化妝片,點擊率超過 59萬!

網上世界,少不免會有斥責嘅言論,你會點做?


阿花定期會拍攝「好物不好物」,對美容 products絕對有讚有彈! 

少不免會有人留啲唔好嘅 comment,但我會睇同仔細去諗。有人覺得我講嘢唔好,其實我自己都覺,有時發音會歪咗,或者講到一嚿嚿。卒之,我發現加埋手勢會好好多。亦有人話我唔係真心分享,但其實我都唔清楚佢哋係點界定,我覺得做好自己本份就 OK喇!

點樣睇新興嘅 beauty YouTuber?


阿花有時亦會拍化妝以外的片段,將自己最靚、最醜、最真的一面表露無遺。 

其實宜家嘅 YouTuber普遍都係分享產品用後感,每個人都有唔同風格,冇話特別好或特別唔好,我覺得做返自己就最好!雖然平時多睇外國 YouTuber,但本地嘅我比較鍾意睇 JM,佢哋好好笑,見兩個人傾偈好有默契,好好睇!

由寫美容 blog到拍化妝片擺上 YouTube,將來嘅路會想點行?


由仿妝到自然妝,再到誇張妝,阿花每段化妝片都有放心機,而且滿有創意! 

其實 YouTube個世界真係俾咗好多機會我去接觸好多嘢,除咗化妝,亦都識多咗朋友,有時喺街度見到有人認得自己,會為自己打氣,其實都好開心!但我覺得拍片只係一個過程,嚟緊我唔會再只顧拍片,反而會專注返化妝師嘅身份,因為自己理想始終係想成為一個專業化妝師。


撰文:陳可兒
攝影:傅新發

全站熱搜

tvb4life 發表在 痞客邦 留言(0) 人氣()