87年選港姐入行,入行前為舞蹈教師。喺無綫發展平平,但喺電影圈就發展利順利,更成為 90年代性感女神。《壹週刊》圖片 

全知言

回帶 '90性感女神拒復出 關秀媚: DaDa、 Chrissie努力啲

Ads by Google

上週二( 9日)噶舉大祈願法會,除咗有王菲、偉仔、關之琳外,仲有好耐冇見嘅 90年代性感女神關秀媚到場支持。今年 48歲嘅關秀媚雖然已退出娛樂圈,收起性感,但身材完全冇走樣,而且仲好有女人味。當晚佢更做義工招呼一眾星級嘉賓。

 

90後可能唔係好識關秀媚,查實佢喺 90年代被王晶力捧,成為多套王晶電影女一,無論係《每天愛妳 8小時》嘅清純小艾,或《強姦終極篇之最後羔羊》嘅性感野貓,到𠵱家都仲有唔少巴打係佢粉絲。不過關秀媚就唔依戀娛圈,「我從來唔覺得自己係女神,角色嚟到就做咩。」雖然成為性感女神,但關秀媚就同全知言講當時原來有啲唔開心,「當時自己嘅智慧可能比較低啲,我其實唔想着咁低胸㗎,但導演要我着呀。裏面係有啲掙扎㗎,但𠵱家會覺得其實我係演緊一個角色啫。」關秀媚更叫𠵱家兩位女神 DaDa(陳靜)同 Chrissie(周秀娜)努力啲,不過佢就冇諗過復出,「 06年開始就突然間唔想做呢行。冇諗過復出,慈善就係我工作。(咁賺錢嗰啲呢?)我好足夠。」


同錢嘉樂有過一段情,再見仲係朋友。 

同男友李尚文感情穩定,二人由 06年開始拍拖。李上週亦有陪女友出席噶舉大祈願法會。問到幾時結婚,關秀媚:「呢個係我私人問題。」 

'99《強姦終極之最後羔羊》

關秀媚為女一,片中有唔少大膽演出,呢一幕只用雙手遮胸,成為經典。

'95《賊王》

關秀媚同任達華有唔少床戲,呢一幕泳池「浮波」到𠵱家都有唔少巴打翻睇。

'99《千王之王 2000》

關秀媚曾經係晶女郎之一, 90年代中至尾王晶幾乎每部戲都有佢份。當年拍《千王之王 2000》,關秀媚同星爺、吳君如及張家輝都有唔少對手戲。



問關秀媚對當年被叫晶女郎有咩感覺,佢話:「都係一個稱號啫,我哋𠵱家都係朋友。」 

全站熱搜

tvb4life 發表在 痞客邦 留言(0) 人氣()