Face Bubble Cup

FACE Bubble Cup大專泡泡盃 科大撞贏捧盃

Ads by Google

萬眾期待嘅 FACE Bubble Cup上週三( 10日),終於喺荃灣 Soccer 360室內球場開波,當日城大、科大、港大、中大四隊大學隊伍都以最強陣容進行 P.K.大戰,未上場各大學隊員已經金睛火眼,着埋大型泡泡嘅健兒更猛獸上身狂撞,只希望入波晉級。
論身形,科大隊個個都係手瓜起𦟌欖球員,初賽已經以 7比 0撞飛城大,到決賽對住一班踢開波嘅中大足球校隊一樣冇有怕,最後成功贏得 FACE Bubble Cup。

中大半天吊

玩得比賽當然要搏盡,科大大隻佬 Oli(黃衫)飛身跳起撞飛對手,是常識吧!結果中大球員(藍衫)被撞地半天吊(小圖)。

港大瞓地剷波

初賽中大對港大,論足球技術,中大贏晒,但港大勝在落力,隊員瞓地,仍努力剷波。

撞爆泡泡

科大隊員 Oli(小圖)成架肉彈戰車車埋嚟,連大型泡泡都撞爆埋,都咪話唔激!

Wendy讚激過英超

平日喺有線講開波嘅 Wendy(紅圈)都大讚 Bubble Soccer撞得激又考腳法,仲好睇過英超,緊張到要企埋上枱講波。

大專賽果主其他

當日每隊大學隊對決嘅賽果都大比數,如果馬會開盤買主其他(總比數淨勝 6球或以上)實冇死!


科大隊在決賽成功以 11比 2 K.O.中大隊成為泡泡王者,明星隊隊長林敏聰都大讚佢哋好波! 

科大 VS中大 11:2中大、科大雖然撞得激烈,但賽後都識攬攬,呢啲咪風度。 

城大 VS科大 0:7喺開幕戰,科大隊趁城大隊未上手,就主打穩守突擊,入 7粒之餘仲一球都冇失。 

港大 VS中大 4:11就算平日操開艇嘅港大隊,玩完一樣攰到跪晒地。 

專業拍攝器材

為咗今次泡泡盃拍攝更專業,《 FACE》更出盡英超 Stabilizer同在兩邊龍門放上 action cam,十足世盃 goal line科技。


城大隊員阿瑩

唔可以齋撞,要識趁班男仔喺前面撞緊嘅時候突襲。

港大隊長 Jeffrey

五分鐘一節都已經好累,出晒汗!

中大隊長 Jacob

科大隊真係好撞得,我助跑咗半個場都撞佢唔郁!

協辦:

 

服飾贊助:

 

飲品贊助:

 


採訪、撰文、攝影:校園組
鳴謝: Bubble Soccer Hong Kong
場地: Soccer 360

tvb4life 發表在 痞客邦 留言(0) 人氣()