霍嘉恩( Grace)國立台中教育大學幼兒教育學系 Yr.4Grace去到台灣都有做兼職模特兒,身高 162cm嘅佢話:「台灣地方大,景又多又靚,攝影師就鍾意影得日系可愛啲,同香港有啲唔同!」 

U花 U草

香港睇唔透 女神 霍嘉恩 轉攻台灣大學

Ads by Google

香港厚多士,大嘅搞佔中,讀緊書嘅要搞罷課,又有人搞舉報熱線反擊,前景?真係睇唔透!

 


Grace愛打籃球,更愛睇《 Slam Dunk》,連影相都自備一件湘北高中嘅三井壽戰衣上陣。 

一向視台灣係後樂園嘅霍嘉恩( Grace), A-Level失手後冇好似其他本地生般讀副學士, Grace索性飛到台灣讀大學,現於國立台中教育大學讀緊幼兒教育 Yr.4,佢鍾情台灣夠多好嘢食,學費又夠平, Grace話識揀一定揀台灣!
「一開始嚟台灣最唔慣係宿舍冇冷氣, 30幾度要開住個窗瞓,瞓吓醒吓,同埋呢邊一定要垃圾分類,試過唔記得分類畀同房鬧!好在我讀國立大學(由政府資助),僑生學位比較少,難入學易畢業,有朋友讀私立大學,好難先合格,要你畀多啲學費重讀,𠵱家我順順利利讀到 Yr.4,但畢業之後都要繼續進修,始終台灣學位認授性一般,可能再讀個碩士課程,之後返香港做兒童心理學家,可以日日對住小朋友,點都開心過做 office啦!」

跟台妹食好嘢


Grace喺台灣生活 4年,平時最鍾意周圍搵食,今次女神推介,畀埋地址你跟住佢去歎好嘢!睇吓呢個靚女介紹邊三間餐廳啦!

台北 天天利美食坊

「每次去到台北西門町,都一定要日日食一碗滷肉飯,有時候加半熟嘅荷包蛋,拌飯食,真係超好味!」
地址:台北市萬華區漢中街 32巷 1號

高雄 安娜瑪莉亞

「去高雄一定首推崗山嘅安娜瑪莉亞,要一個月前訂位,最特別係全手工甜品,每個月限定 4款,出面嘅 cafe一定買唔到,食唔到!」
地址:高雄市崗山區育樂巷 1弄 1號

台中 德爾芙咖啡

「台灣嘅下午茶好便宜,大概 300台幣有交易,呢間嘅特色係巴黎鐵塔英式下午茶,同一般三層架有分別,首推係佢個朱古力蛋糕!」
地址:台中市北區民權路 411-413號


撰文:校園組
攝影:何榮亮
形象及化妝: Kika Wong

創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()