合作 3年,余毓興最終帶着 7位數字的訂金走佬,而栢芝亦速跟 AEG斬纜,與多年經理人 Emily(右)拍住上,在港開設自己的「張栢芝工作室」。《蘋果日報》圖片 

真面目

失蹤人口 經理人走佬走數 栢芝失百萬訂金

Ads by Google

話題女王張栢芝自與霆鋒離婚後,雖然之前都儲落唔少,但係湊住一對乖仔,點都要開工搵錢。 11年與國內經理人余毓興合作,加盟余旗下的 AEG娛樂公司,栢芝更一口氣拍下 5部電影。
以為一帆風順,勢估唔到有傳公司老闆余毓興早前以栢芝名義接電影,將訂金袋袋平安後潛水,難為栢芝得知此事時,有人已夾帶私逃!而栢芝亦極速同余毓興斷絕關係, 2個月前,栢芝決定自己開設張栢芝工作室,今次自己話晒事,費事再遭人冒名掠水!

Ads by Google

張栢芝 11年與霆鋒離婚,同年亦與國內經理人余毓興一拍即合,同年 3月簽約成為 AEG(新亞洲)娛樂公司旗下藝人。
但余毓興在今年 4月出席蕭淑慎的加盟儀式後即告人間蒸發,本刊收到可靠消息,指余毓興以栢芝名義代傾 2部電影,對方即付 7位數字訂金,後來電影方多次聯絡余毓興不果即揭發此事,在去年 6月, AEG已遭內地電影公司上海華宇電影有限公司人稟申請清盤。
疑遭借名呃錢的栢芝當然知情,但向來甚有義氣的她冇向人透露半句,至今年 7月自己開設張栢芝工作室,栢芝都只說「想自己話事,做吓老闆」,從冇講過余毓興半句壞話。
至於曾同屬 AEG旗下的周秀娜,本刊向她經理人 Roy了解有傳余毓興走佬一事, Roy說:「聽過呢件事一段時間,不過周秀娜屬 AEG嘅子公司,收足錢就費事多管閒事啦。」


11年 3月栢芝加盟 AEG時,沒有大型記招,只有一張在公司門前的合照,她當時好友 Rick Chin都在場。《壹週刊》圖片 

去年 6月,一間名叫上海華宇電影有限公司正式入稟向余毓興的 AEG娛樂公司申請清盤。 

娜姐加盟

周秀娜同屬余毓興旗下的子公司,娜姐經理人 Roy(右)則說:「我有聽過佢(余毓興)嘅傳聞,不過收足錢就費事多管閒事啦!」

4月最後露面


《蘋果日報》圖片 

余毓興最後一次公開露面,係今年 4月蕭淑慎加盟 AEG時的新聞發布會,隨後即人間蒸發。

勁拍爛片仆直

離婚後的栢芝連拍 5套電影,雖然栢芝每部電影都算重卡士,任賢齊、湯唯、權相佑、張東健和章子怡都合作過,但製作未如理想,香港票房搵套達 50萬都冇,自 12年的《危險關係》後,搵上門俾栢芝的電影劇本已經買少見少。


'11《楊門女將之軍令如山》票房 33萬 

'11《極速天使》票房 15萬 7千 

'12《影子愛人》票房 11萬 7千

'12《河東獅吼 2》票房 13萬 

'12《危險關係》票房唔夠 10萬 

單親媽難搵食 吳綺莉冇市場

90年亞姐冠軍, 99年為成龍生咗小龍女吳卓琳, 11年回流返香港,可惜劇只拍過一套,在商台開咪 3個月試用期過後又被彈走,似乎冇乜市場。

楊思琦形象差

01年港姐 6料冠軍,但 12年跟錯吳帥又未婚產下乖女令形象大跌,今年 4月思琦決定離開大台,自己做埋經理人向外闖一闖。

小雪冇人搵

00年開始於娛樂圈活躍, 04年小雪突然同永安旅遊主席個仔陳迅元結婚,同年生咗大女 Ronni,可惜 2年後離婚。 08年再嫁澳籍華人,又為老公生多個仔,點知今年 8月都係離婚。去年返港曾出席活動話想復出,不過一直冇人搵。


採訪、撰文:娛樂組

創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()