焗蛋盅$19(只限下午茶時段點正價飲品選配)Sean指女朋友愛吃薯蓉和洋葱,於是結合兩者創作出焗蛋盅,流心蛋黃令薯蓉更香滑,幾有驚喜。 

庶民飯堂

元朗寧靜 

Leisure 地址:元朗鳳攸北街 9A昌威大廈 28號地鋪 電話: 3568 7741

Ads by Google

每次去元朗都係去又新街食巨型壽司或者串燒,一定大排長龍。估唔到只係轉兩個街口,較僻靜的鳳攸北街有一間新開的隱秘餐廳「 Leisure」, Open Kitchen加幾張小木枱凳,還有一個小小露天花園,客人可以靜靜享受食物。

 

「我從小住在屯門和元朗,常幻想開一間小店同街坊傾偈。」愛傾偈,店主兼主廚 Sean經常向不同人偷師,結果成為煮得之人。「以前我做意大利食品採購售貨員,會跟不同廚師傾偈,了解佢哋對食材的意見。有啲廚師好好傾,會大講自己下廚心得,例如蝴蝶粉點煮先好食。現在我亦有同客人一齊鑽研廚藝,有啲仲教我醃雞。」 Sean盡量用意大利食材,部分購自舊公司,如遇到更好品質的也會轉貨源。「有客人建議我轉用厚多士,我也發覺口感更好,烘過後能做到外脆內軟。雖然成本貴一點,不過客人會返轉頭都值得嘅。」附近的店鋪職員也常過來幫襯,幾乎每個客人, Sean都認得。「我邀請了一位在附近教畫畫的客人,幫手設計宣傳單張,佢竟然唔收我錢,我就用以物易物的方式報答,請佢飲一個月咖啡。」


蒜香雞肉配香草青醬蝴蝶粉$42配熱飲羅勒香草味好清香,面層灑了少許辣椒粉,更加惹味。熱茶以茶壺上,還附上小沙漏,提醒客人於茶葉泡三分鐘剛好。 

All Day Breakfast$48配熱飲或果汁分量頗多,客人可要求炒蛋轉煎蛋或全熟, Sean都非常樂意效勞。 

客人可隨意借閱書籍,或留言給店主。 

小花園裝潢簡潔,好有田園感覺,店主還種了些檸檬,成熟時會用來沖檸水。 

 

Leisure
地址:元朗鳳攸北街 9A昌威大廈 28號地鋪
電話: 3568 7741
營業時間:星期一至六, 8am-6pm




撰文:吳韻菁 
攝影:譚俊軒 

全站熱搜

tvb4life 發表在 痞客邦 留言(0) 人氣()