蔡少芬夫婦被兩女玩謝

蔡少芬同張晉結婚六年恩愛程度有增無減,兩夫婦經常微博傳情,肉麻到暈,早排蔡少芬仲同傳媒講老公話唔准佢死喎!老公嘅綿綿情話都要攞出嚟同人分享,鬼都知佢哋有幾甜蜜喇!

Ads by Google

早前,東姑去圓方shopping,咁啱見到蔡少芬一家同啲親戚gathering。為咗老婆唔使咁辛苦,呢日張晉全程負責照顧兩位「公主」,一路上坐喺BB車,一歲嘅信兒都扭計要抱抱,張晉於是火速攞啲玩具出嚟o氹佢開心;搞掂細女,就輪到大女楚兒作反,喺超市走嚟走去,精力無限,張晉追住個女可謂慘過平時拍打戲。東姑睇見都替佢辛苦,蔡少芬見到老公咁鬼吃力,都忍唔住要出手抱住細女,兼擘大口喝住大女。

喺超市買完嘢之後,蔡少芬夫婦諗住去上海餐廳坐低食餐安樂茶飯,點知兩位「公主」又出招,細女we嘩鬼叫,大女就撥開晒啲餐具拉咗張枱紙出嚟玩。張晉見到頭都痛埋,即時用手指按吓眉心放鬆吓,而蔡少芬就攰到反晒白眼咁滯,冇晒計仔咁嘅樣!

日前,東姑見到蔡少芬同老公張晉帶兩個女喺圓方逛街,而兩夫婦睇嚟相當吃力,平時精力十足嘅張晉,都忍唔住要按吓眉心放鬆吓。

湊女湊到反白眼咁滯嘅蔡少芬,趁餸菜未到,即小睡片刻。

為冧大女楚兒開心,張晉又不惜扮鬼扮馬。

蔡少芬亦唔舒服得張晉幾多,抱住細女之餘又要擘大口喝住大女。

全站熱搜

tvb4life 發表在 痞客邦 留言(0) 人氣()