Jenfer品種:格力犬性別:女年齡: 9歲 

Petbook

極速傳說 格力犬

Ads by Google

格力犬的奔跑速度只僅次於獵豹,是世界上速度第二快的哺乳類動物,平時我們看澳門跑狗比賽的狗隻,就是這個品種。
格力犬 Jenfer曾在澳洲的賽狗比賽中,贏得不少獎項,引退後得到 Bonnie收留,現牠已有一個幸福的家,過着安穩的退休生活。

 

格力犬 Jenfer是一隻退役跑狗,是名副其實的運動好手,但採訪當天氣溫高達攝氏 35度,令牠活力大減,主人 Bonnie說:「今日天氣太熱,佢跑兩吓就唔想郁,不過你唔好睇小佢呀!佢以前喺澳洲出賽 23次,贏咗 9次冠軍㗎!」
Bonnie對擅長跑步的狗隻情有獨鍾,她家中已飼養了一隻惠比特犬,但她因喜歡身型較大的犬種,便考慮領養同是賽跑犬的格力犬,「格力犬係世界上速度第二快嘅哺乳類動物,最高時速達 64公里,僅次於獵豹。除跑得快外,佢哋最大嘅特點係冇乜狗味。」


Jenfer活力已大不如前,加上採訪當天氣溫太高,令牠跑起上來有點吃力。 

每逢假日 Bonnie(左一)、與丈夫 Vincent(中間)和侄子 Leroy(右一)會帶 Jenfer和惠比特犬 Jack到公園遊玩。 

Jenfer雖老,但好奇心甚重,牠喜歡到草叢探索新事物。

澳洲領養

Bonnie曾聯絡過澳門賽狗的狗房,查詢如何領養格力犬,但對方沒有回覆。直到 3年前,她在澳洲找到一名暫託者,為她安排領養事宜,「澳洲都有賽狗,每年有好多狗引退,當地會有人暫時照顧呢啲狗,再幫佢哋搵新主人。我同個暫託者講,想領養格力犬,之後雙方溝通咗幾個月,佢認為我適合領養,就安排咗 Jenfer畀我。」
Jenfer性格膽小,頭 1星期,為了令牠快點適應新家, Bonnie特意請了 1星期大假陪伴愛犬,「 Jenfer跑到 3歲就引退,之後俾人用嚟配種,生到 6歲就絕咗育。初初到步, Jenfer好怕人,淨係縮埋一角,佢每逢見到地拖就會成身震晒,可能以前練跑時,俾人用棍打得多,不過過咗 1星期後,佢開始信任我,性格開朗咗好多。」


回程時, Jenfer急不及待上車歎冷氣。 

Bonnie指 Jenfer很少在街上飲水,但當日實在太熱, Jenfer也忍不住破例。 

偷食金莎

Jenfer現已 9歲,活力大不如前,但 Bonnie指牠在家中乃是一名百厭星,「佢好為食,成日偷嘢食,記得佢嚟到頭幾個月,偷食成盒金莎,你都知狗唔食得朱古力㗎啦,當時嚇到我即刻帶佢睇醫生,點知醫生 check過晒,話佢咩事都冇,真係好好彩。我上網睇過,格力犬一般壽命約 14歲, Jenfer已經係老人家,我可以做嘅,就係令佢每日都開開心心,安享晚年。


撰文:何倬然 
攝影:傅新發

tvb4life 發表在 痞客邦 留言(0) 人氣()