Jobs Live

四驅狂迷

Ads by Google

迷你四驅車是 90年代的玩物,隨着《四驅小子》、《四驅兄弟》等四驅車動畫播出後,更曾在港掀起熱潮。雖然現時熱情冷卻,但還有一批四驅車愛好者一直支持, EMPRESS SPEEDWAY便是由一班愛好者,在 07年創立的迷你四驅車場。那些年迷你四驅愛好者已由小朋友變成大人,他們為了重拾舊趣,不惜和一班志同道合好兄弟,大灑金錢改車,看着愛驅在跑道上飛馳,站在一邊大呼小叫。

 

採訪當日只是星期二晚上,位於葵涌工廠大廈內的迷你四驅車場 EMPRESS SPEEDWAY,還是迫滿來玩四驅車的人。老闆之一的阿古說:「我哋顧客嘅年齡層由 20至 40歲都有,其實四驅車一直都有人玩,自上年日本開始搞番選拔賽,近排多咗傳媒報導,令近 3個月客人多咗 4、 5倍,除星期六、日及公眾假期會成日爆場外,平日都多咗人 book場。」 EMPRESS SPEEDWAY現時盈利約有$20,000。


EMPRESS SPEEDWAY場內有一條總長 100米的賽道,讓四驅車盡情飛馳,阿古表示每隔 5星期便會組合新賽道,令客人有新鮮感。 

平日晚上場內依然有十多名客人,可見迷你四驅車的魅力仍在。 

場內設有鑽床,方便資深車迷可以更徹底改裝自己的四驅車。

場內有四驅車及各樣零件出售,阿古說︰「𠵱家大約有 50款車可以選擇,價錢$50至$100都有,不過如果要改裝部車,用$700至$1,000已經好足夠。」 

在開放賽道前,阿古都會檢查一次,並清潔賽道上殘留的一些車胎膠粒,讓客人可以盡情玩車。 

100米跑道


阿源客人細個有玩過四驅車,但之後冇再玩,近排有朋友叫我一齊玩,就開始玩番,總共都投放咗 3、 4千落去買車改車。 

EMPRESS SPEEDWAY於 07年成立,可說是行內的老字號,場內除有四驅車及零件售賣外,最吸引的是有一條長 100米的賽道供客人試車及競賽之用,「細個鍾意玩四驅車,出到嚟做嘢想玩番,但冇乜場地選擇,就同一班朋友租咗呢度,自己玩車之餘,又可同其他人交流。」
經營迷你四驅車場,不是放一條賽道讓人玩這麼簡單,「我哋約隔 5星期就轉一次新賽道,點樣砌先畀到客人有新鮮感,都好考功夫。有啲新手嚟玩,我會建議佢點改裝部車,例如轉彎點樣會順啲、上斜落斜點先冇咁易出軌。現時四驅車款約有 50種,零件亦超過 500款,自己要對新出嘅零件及車款熟悉,俾人考起就唔好啦。」

閒日要 book場

EMPRESS SPEEDWAY逢星期六、日及公眾假期 3pm至 11pm開放,每人每 30分鐘收費$15,$75則可任玩;平日要預先在其網站 book場,至少有 5人才會開場,每位入場費固定$75。
http://www.empressspeedway.com 


一盒基本車款,售價$50至$100不等。 

由車殼的顏色,車胎、車頭等所有配件,都經過車主深度改裝,改裝費約用了$1,400。 

導輪有膠及鐵兩種,主要裝在車頭及車尾的位置,用以減輕車與賽道的磨擦,及幫助轉彎。售價$30至$70。


場內有 3軌式賽道出售,由日本訂購回來,售價約$1,500。 

撰文:曾志恒
攝影:彭自維

全站熱搜

tvb4life 發表在 痞客邦 留言(0) 人氣()