Yani 23歲理工大學酒店管理系 Yr.3Yani自言喜歡休閒風,因此襯衫多會配搭素色系及簡單 cutting為主,連身裙便是她的最愛。$139 

U撈

開網店滿足買衫慾

Ads by Google

Yani自小喜歡四處搜羅平靚正的時裝,為了滿足買衫癮,自覺甚有潮流觸覺的她,年半前,在 instagram開網店賣平靚時裝,並到香港及國內的時裝批發市場入貨。 Yani更親身上陣做 model,自拍襯衫照,贏得學生客的歡心,未來她希望成立自己的品牌,一圓時裝設計夢。

 

Yani是 instagram時裝店「 LADIES_DADA」的老闆娘,訪問當日,她來到住處附近的公園,拍攝產品照,「呢款休閒風連身裙,喺今年夏季好受歡迎,每星期最多可賣超過 20條,我每次入新貨,都會自己做 model,影產品照放上 instagram畀客人訂貨。」
從中學開始已是購物狂的 Yani,亦想過升讀理大的時裝設計系,「當時做 part time,最少拎半份糧去買衫扮靚,我對自己嘅 fashion sense都幾有信心㗎,一心諗住讀時裝設計,發展自己專長,但同家人朋友商量過後,佢哋話酒店業前景好啲,咪惟有放棄囉。」


灰色點點連身褲有彈性,適合 casual look。$119 

米色 lace長裙穿上後能令皮膚顯得更白。$199 

紫藍水果圖案連身裙類似泳衣料,夠清爽,適合去沙灘時穿着。$149 

黑色併色連身裙棉布料有彈性,下身花花具 summer feel。$149 

滿足買衫癮


夏季衣服較輕及少布, Yani說不少客人會選擇郵寄貨品,「夏天平均每件郵費$6,仲平過去港鐵交收;冬天就每件$10至$20,貴少少。」 

去年 4月, Yani為滿足自己的 fashion癮,便在 instagram開時裝店試水溫,「我平時會喺香港及國內買衫,專搵又平又靚嘅衫嚟着,每星期點都會 shopping一次,真係買衫買到窮,為幫補買衫錢,我就試吓自拍襯衫照放上 instagram,睇吓有冇人有興趣一齊買,湊夠數就去同鋪頭拎折頭,賺差價。」
結果網店首月已賺到$3,000,全因 Yani有特別的銷售技巧,「喺 instagram賣嘢,客人掂唔到,唔知質地係點,好難買得落手。我會喺張貨品相上,加晒質地、 size及襯衫方法等,增加客人購買信心。」

平價攻學生

Yani的網店主打平價貨,每件貨品售$99至$220不等,成功吸引到一班學生客,「除喺香港及國內批發市場入貨外,我每年仲會去一次韓國及泰國入貨,因為當地嘅衫平靚正,款式新質地又好,最近都多咗 OL客。𠵱家平均每月賺到$6,000至$10,000,視乎季節而定, 6月至 11月係旺季,進入轉季及暑期嘅日子最多人買衫。」
Yani未來想成立自己的品牌,在網店內賣自家設計及製造的時裝產品,「約半年前,我都試過賣自己整嘅布袋,每個賣$99至$129,反應都唔錯,但無奈要返學,整唔到好多。之後我會去學車衫及整袋,希望 1年後可以成立自己嘅品牌。不過搞網店暫時只係興趣性質,如果將來有成績,先會瞓身去搞。」

邊度入貨?

香港有不少知名的時裝批發地方,如位於荔技角港鐵站旁的香港工業中心(簡稱香工),及深水埗長沙灣道的時裝批發店鋪,時裝種類很多,包括日韓款式,不少本地服飾店也會在這些地方入貨。此外,批發店一般不做零售生意,每款貨品訂購 10件以上便有批發價。


撰文:何倬然
攝影:彭自維

全站熱搜

tvb4life 發表在 痞客邦 留言(0) 人氣()