德洲燒烤漢堡$83漢堡扒肉汁澎湃,芝士及脆煙肉令味道 double up,建議加多$18叫埋薯條,都好好味。 

潮𡃁便當

大美國好食

Ads by Google

快食行先的美國食物,不外漢堡熱狗薯條扒,城中新冒起的天后漢堡薯條店 Texas Burger,方力申、洪卓立都撐,另外有以美男計吸引小儀都到訪的紅磡熱狗店 Frenchie、紐約人必食 mission-style burrito的上環 Little Burro,連銅記熱點希慎 12樓,都新開了型爆工業味美式餐廳 bar EIGHT GRAND,環境舒服鼓勵慢食,食物 present靚靚仔仔勁 tapas feel,至啱手機先食,美菜都放慢步伐,叫香港人 relax下啦。

霓虹燈德州漢堡

船木製的門面、紅色 raw味牆磚、霓虹燈室內設計,大紅色調感覺猶如置身美國加州酒吧小店, Texas一名並非亂改。最能代表美國飲食風格的 BBQ風味漢堡、煙燻豬仔骨,以及最 common的薯條奶昔通通都有,德州燒烤漢堡加入墨西哥 Jalapeno bbq醬,香口雞翼加入 Cajun粉,更有美國人非常鍾情、植入自墨西哥的粟米片,微微帶辣,充分表現美式食物與墨西哥風味的結合。自 6月開業以來,鄭俊弘、洪卓立、方力申等星都來過捧場,𠵱家喺 instagram follow Texas,堂食滿$150仲可有$8折扣。




煙燻燒烤豬仔排骨$148煙燻香味一上枱已經聞得到,入口肉身腍軟香甜,皆因以蘋果木、迷迭香等材料每邊煙燻慢煮 3小時入味,強推!

意大利芝士條$43中間內藏濃郁芝士,蘸埋番茄汁一流。 

士多啤梨奶昔$49用紅桑莓、藍莓等多種莓打成,新鮮清甜。 

食客 Kuen Sales喺 instagram見到有朋友食,所以又嚟,薯條炸得啱啱好,同出面食到嘅好唔同,仲有藍芝士漢堡都好正,味道濃郁。

 

Texas Burger
天后電氣道 109號地鋪
2805 7811
營業時間: 12nn-10:30pm

工業味燒粟米

大白天都非常有 mood,灰石牆木枱凳烏絲燈,帶點工業味, EIGHT GRAND由曾在 L.A.讀書的老闆 Enrico所開,店名是因為當地有條 Grand Street,"eight"在中國有好運之意,兩者結合而得來。玩 crossover的更有店內的 mocktails,全以 12生肖名命,皆因外國人對中國生肖文化充滿興趣云云。食物方面,典型的美國安格斯牛肉漢堡、沙律、薯條、 egg benedict,也有墨西哥 style一點的 tacos、玉米燒等,個別食物如漢堡、 tacos、燒玉米等 present得較輕盈,唔單只影相靚,都方便細食及心多人士,男男女女通殺。


辣味玉米燒$68鋪上芝士千島醬去燒,味道淡一點更好,粟米並非原條上,食落牙齒無咁尷尬,自拍笑容繼續得。 

迷你芝士漢堡$100用上美國安格斯牛肉配松露醬,與漢堡仔內的芝士 match得不錯。 

什錦墨西哥玉米卷$98有齊炸魚柳、雞肉芒果、蒜香牛肉、牛油果肉忌廉豬肉 4種口味,啖啖都係墨西哥 style香料味道, yummy。

Eggs Benedict$98一改坊間 egg benedict用 muffin做底,轉而用上自家製牛角包,蛋汁流入麵包味道更豐富,火腿鹹香帶起菠菜清甜,菠菜中和膩感。 

Monkey Business$62(前)Crouching Tiger$62(後)前者以桃、檸檬、荔枝調配,後者以紅桑莓、蛋白調成,入口帶甜亦清新,夏日女生必點。 

食客 Hehe& Tommy整餅行街經過見環境不錯入嚟,叫咗 all day breakfast及漢堡,漢堡可以再 juicy一點!

 

EIGHT GRAND Bar& Restaurant
銅鑼灣希慎廣場 12樓 1203號鋪
3568 8621
營業時間: 11:30am-11pm

Food truck脆熱狗

提到美國菜,方便快捷的熱狗唔到你唔記起,位於紅磡的 Frenchie,以一隻法國鬥牛犬做 icon,非常易認。店主阿 Jim,因為曾在巴黎藍帶廚藝學校學做甜品,所以開鋪時都穿上法國藍帶師傅廚服,加上俊俏外表,女生過目不忘。美男廚房主力做熱狗,用上墨西哥辣肉腸及辣椒 Jalapeno的芝士狗、無腸的日式雞肉狗、加入三文魚的熱狗等等,鋪面設計成 food truck模樣,每吃一口都令人隱約聯想起紐約街頭車仔檔。



老闆 Jim身穿法國藍帶廚師衫,外型俊朗,完全係新一代美男廚房。 

挪威煙三文魚什菜沙律$43三文魚配車厘茄、橄欖、火箭菜,夏日開胃之選。

薯條$16(跟熱狗餐追加) 

店鋪裝修成鬥牛犬 food truck模樣。 

 

Frenchie Hotdog& Salad
紅磡民泰街 25號黃埔 108商場 13-14號鋪
5315 8332
營業時間:星期一至日: 12nn-10pm

三藩市米飯卷

在 San Francisco開到成行成市的 burrito餐廳,食法源於墨西哥的墨西哥卷,去到 San Francisco, burrito加入米、肉類及豆,化身成當地獨有的 mission-style burrito,上環的 Little Burro正正提供呢隻 San Francisco mission-style burrito,先選好牛、雞、豬或素等主力餡料,再選擇黑豆或美國 borracho豆,最後選大、中、小辣莎莎醬,由於 burrito內已經有米飯、芝士及酸忌廉,非常飽肚,淨重都有 450g,唔嘢少。


牛肉 Burrito$75牛肉醃足一整天,再以蘋果醋、炸茴香、丁香、鼠尾香等慢煮 8小時,入口香料味十足,非常惹味,米飯及豆進一步增加口感。 

手絲豬肉 tacos$75同樣以慢煮的方法在豬肉絲內加入鼠尾草、香橙、玉桂等烹調,豬肉絲與酸忌廉超配。 

墨西哥脆片$38墨西哥脆片的靈魂所在乃一個以牛油果、洋蔥、青檸汁、番茄製的 guacamole醬,好易食大咗!

店內有 3款辣椒醬,其中一款印有公雞圖樣(左)的 Sriracha辣醬質地杰稠辣度最強,配店內 tacos及 burrito一流。這款辣椒醬在美國非常普及。 

食客 Sze Sales之前喺銅鑼灣食過,最愛 tacos加勁多辣醬,之前喺 San Francisco住,一 homesick就心思思想食。 

 

Little Burro
上環差館上街 1號
2547 8821
營業時間: 11am-10pm


撰文:梁智欣
攝影:羅巧兒、陳嘉元、葉曉明

全站熱搜

tvb4life 發表在 痞客邦 留言(0) 人氣()