$2,888Enterbay(旺角廣華街仁安大廈地面1號鋪/ 2332 3615)Figure屬 1/4比例,高達 45cm( 18吋),打橫裝箱,個紙皮 packing可以扮成 Mr.Bean個啡色皮箱。 

漫遊毒物

跟住去 BEAN度

Ads by Google

有人話羅賓威廉斯之死,令人關注喜劇演員抑鬱問題……
其實唔好話黃子華、同埋戇豆先生( Mr.Bean)路雲雅堅遜都曾受過情緒病困擾,試問世上有幾多人成世都冇受過情緒同壓力困擾?關心多啲自己嘅親戚朋友,已經足夠。

 

而作為笑匠們的 fans,最重要就係支持,無論佢套電影、劇集、楝篤笑好唔好都捧場,所以就算路雲雅堅遜話自己人到中年性格大變,永遠辭演 Mr.Bean,我都決定買呢隻由香港廠 Enterbay製作,有手提行李箱咁巨型嘅 Mr.Bean 1/4 figure,唔只服飾造型真人一樣,兩個頭雕直情真人一樣!
Bean生,跟住去 Bean度 happy?


Figure送兩個超像真頭像,表情鬼馬,另外仲有火雞笠頭經典造型頭,可以玩 3個 look。強烈建議 Enterbay搵子華整番隻《棟篤神探》 figure。 

棗紅色西褲內竟然有埋 Mr.Bean的名牌,一定唔會着錯人哋條褲。 

有白色小學雞三角底褲同埋一條短西褲,皮鞋連襪連繩都有齊。

小配件豐富,人造皮製的行李箱大到夠放全套西裝、熊仔 Teddy同埋 Mini cooper的軚盤。 

咪以為大隻就做唔到動作,跨欄跳都仲得呀!不過 figure都幾重身,要配 stand先玩到。 

背面仲送多張真實比例道具機票,幾有心思。令我想馬上翻睇電影版《戇豆去旅行》。

撰文:鍾世傑
攝影:傅新發、鍾世傑

全站熱搜

tvb4life 發表在 痞客邦 留言(0) 人氣()