阿雪 with牛子阿暖 with牛鞭 

Webber

搵食女子組 你咬我食咩?YouTube Channel: Ashley Pham

Ads by Google

本地飲食節目愈做愈離身,唔係 May姐落雞汁,就係北上神州,話就話唔熟唔食,但介紹嘅食物同港人卻一啲都唔熟!電視唔好睇不如上網搵食,幾位年輕女子組成「平民搵食記」,走訪各區發掘平價美食。咪睇佢哋後生唔似專業,《 FACE》帶兩位成員阿雪同阿暖入元朗試食牛鞭、牛歡喜整成嘅牛四寶都冇話托手踭,就知佢哋有追求。咬起鞭嚟仲有讚有彈,唔係一味講口感,更冇植入式廣告,比一眾阿姐阿哥講飲講食更親民!

Webber's Profile

YouTube Channel: Ashley Pham
拍片資歷: 3個月
作品總數: 9
Subscriber: 350以上
總 hit rate: 30,000以上


牛子(牛睪丸)雪:呢個最恐怖,質地似牛膀粉粉哋,外面有層皮,咬到中間又淋啲,都係放棄咗,內臟感覺太強!牛鞭暖:感覺似牛筋,但比牛筋韌,冇咁膠質,味道真係差唔多,幾好食。 

牛歡喜(牛陰戶)雪:睇個樣其實同牛肚牛腩差唔多, OK嘅,係煙韌啲,好似有 4、 5嚿牛肚疊埋一齊食嘅感覺。 

牛陰囊暖:呢個好少呀,得幾塊,食落去似生腸有啲爽!

Q:見阿雪個 channel又跳舞又講旅遊,點解會開始「平民搵食記」?


未拍搵食記前阿雪都有拍跳舞片,所以暫時都係用阿雪嘅個人 channel放片。 

雪:我做 dancer,不嬲有拍跳舞片,但係認真跳舞片冇乜人睇。大概 3個月前比較空閒,上網煲片發覺啲 YouTuber分享自己生活好多人睇,就諗不如試吓啲同工作無關嘅片,好自然就諗到食。我自己一個對住鏡頭就講唔到嘢嘅,所以搵埋幾個有興趣嘅朋友一齊做,就組成平民搵食記喇!

Q:你哋覺得「平民搵食記」同電視飲食節目有咩唔同?


主要以地區分集數,去過深水埗、太子、西灣河、上環、土瓜環、九龍城、尖沙咀、大角咀,旺區靜區都有去。 

暖:我哋希望介紹一啲有特色得嚟又平嘅食店,盡量做到一個人 50蚊以內一餐。同飲食節目比我諗我哋親民啲,評論食物時會有碗話碗,好似去深水埗食咖央多士,阿雪唔鍾意太甜嘅會直接講。另外 YouTube片唔可以太長,幾分鐘講完一間食店,內容要精簡啲。

Q:身為平民去店舖又拍片又講三講四,食店通常有乜反應?


去試已經轉玩韓燒嘅明將,緊貼本地美食潮流。 

雪:試過去明將被人叫唔好拍,但其他地方都唔會阻我哋,最搞笑係餐廳啲人見到拍片,態度同招呼反而好咗,試過食完仲問我哋覺得點添!可能𠵱家網絡食評太強勢,餐廳啲人都驚你唱衰佢。

Q:你哋拍片製作都幾認真,打油詩式開場白都睇得出有度過橋,係咪一開始就諗住行認真 mode?


有押韻打油詩開場白,兩位靚女又跳又 fing,生鬼有趣。 

暖:其實係一路拍一路學,以前乜都冇諗走去拍,到剪嗰時先覺得效果好普通。𠵱家會度好橋同埋流程,做好準備先去拍。食嘢人人都會食,同埋喺公眾場所拍片唔預備好啲,真係 roll機時就會亂。好彩我哋都有識拍片嘅朋友幫手揸機,啲 angle又可以靚啲。


撰文:司徒港燊
攝影:羅万怡

tvb4life 發表在 痞客邦 留言(0) 人氣()